Soltústik Qazaqstan oblysynda qant óndirisin qolǵa alady. Bul jaiynda oblys ákimdiginiń otyrysynda belgili boldy. «Asyl Farms» JShS basshysy Ǵabiden Balǵynbekov sharýashylyq qant qyzylshasyn ósirý jáne qant óndirý baǵytynda jańa baǵytty damytýdy josparlap otyrǵanyn aitty, dep habarlaidy Dalanews.kz
Qant zaýyty Shal aqyn aýdanynda salynady.
«Joba táýligine 5 myń tonna qant qyzylshasyn óńdeýge múmkindik bermek. Shikizattyń jartysynan kóbin ózimizdiń jerlerde ósiremiz, qalǵanyn kórshi fermerlerden satyp alamyz», - dedi Ǵabiden Balǵynbekov.
Oblys ákimi Ǵaýez Nurmuhambetov jobaǵa qoldaý kórsetip, onyń iske asyrylýy ishki naryqty qantpen qamtamasyz etýmen qatar, importtyq ónimge táýeldilikti azaitýǵa múmkindik beretinin atap ótti. Memleket osy jobany júzege asyrýǵa qajetti barlyq qoldaýdy kórsetedi.
Odan bólek, «Asyl Farms» seriktestigi basqa da jobalardy iske asyrýdy josparlap otyr. Atap aitqanda, mai ekstraktsiialaý zaýyty, qospa jem kásiporny men avtomattandyrylǵan elevator salynbaq.
