سولتۇستىك قازاقستان وبلىسىندا قانت ءوندىرىسىن قولعا الادى. بۇل جايىندا وبلىس اكىمدىگىنىڭ وتىرىسىندا بەلگىلى بولدى. «Asyl Farms» ج ش س باسشىسى عابيدەن بالعىنبەكوۆ شارۋاشىلىق قانت قىزىلشاسىن ءوسىرۋ جانە قانت ءوندىرۋ باعىتىندا جاڭا باعىتتى دامىتۋدى جوسپارلاپ وتىرعانىن ايتتى، دەپ حابارلايدى Dalanews.kz
قانت زاۋىتى شال اقىن اۋدانىندا سالىنادى.
«جوبا تاۋلىگىنە 5 مىڭ توننا قانت قىزىلشاسىن وڭدەۋگە مۇمكىندىك بەرمەك. شيكىزاتتىڭ جارتىسىنان كوبىن ءوزىمىزدىڭ جەرلەردە وسىرەمىز، قالعانىن كورشى فەرمەرلەردەن ساتىپ الامىز»، - دەدى عابيدەن بالعىنبەكوۆ.
وبلىس اكىمى عاۋەز نۇرمۇحامبەتوۆ جوباعا قولداۋ كورسەتىپ، ونىڭ ىسكە اسىرىلۋى ىشكى نارىقتى قانتپەن قامتاماسىز ەتۋمەن قاتار، يمپورتتىق ونىمگە تاۋەلدىلىكتى ازايتۋعا مۇمكىندىك بەرەتىنىن اتاپ ءوتتى. مەملەكەت وسى جوبانى جۇزەگە اسىرۋعا قاجەتتى بارلىق قولداۋدى كورسەتەدى.
ودان بولەك، «Asyl Farms» سەرىكتەستىگى باسقا دا جوبالاردى ىسكە اسىرۋدى جوسپارلاپ وتىر. اتاپ ايتقاندا، ماي ەكستراكسيالاۋ زاۋىتى، قوسپا جەم كاسىپورنى مەن اۆتوماتتاندىرىلعان ەليەۆاتور سالىنباق.
