Halyq qalaýlysy ókilettigin toqtatqan áriptesi ári komandalasy týraly pikir bildirip, onyń ornyna kim keletini jóninde aıtty.
«Bizde de basqalar sıaqty partıalyq tizim bar. Jaqyn arada jınalýdy josparlap otyrmyz, bir aptada kelesi depýtatty anyqtaýymyz kerek. Árıne, úmitkerler bar. Alaıda, Beıbit Álibekovtiń de, Nurlan Qoıanbaevtyń da Parlamentke kelýi ekitalaı.
Basqa jigitter bar. Ázirge esh favorıtimiz joq, bárimiz daýys beremiz. Dınara Shúkijanova múshe bolǵan komıtetke saı keletin, kásipkerlik tájirıbesi jetkilikti birqatar azamattarymyz bar. Shynymdy aıtsam, qazir pikir aıtý qıyn, óıtkeni árqaısymyzdyń óz oıymyz bar. Endi osy oılardyń bárin ortaǵa salamyz", - dedi Qojanazarov.
Onyń dereginshe, Dınaranyń ózi partıada teń tóraǵa bolyp qala beredi. Ol kópten beri bızneske qaıta oralǵysy keletinin aıtyp júrgen. Biraq ol bastaǵan bastamalaryn aıaqtaýy kerek bolatyn.
«Qazir barlyq bastamalaryn tabysty aıaqtady, sondyqtan bızneske ketip jatyr. Menimen janjaldasyp ketti degen áńgimeniń qaýeset ekenin eskertemin. Ol meniń jaqyn dosym, Respublica partıasy qurylmaı turyp-aq dos boǵlanbyz. Partıada kóshbasshylyq úshin kúres bolǵan joq. Aınalyp kelgende, onyń qalaýy ónerkásipte jumys isteý boldy. Joq, ol Karmetke barmaıdy, Qostanaıǵa, ózi jumys istegen kásiporynǵa oralady. Eshkim Májilisten túńilgen joq. Dınara, kerisinshe, óte úlken tájirıbe alǵanyn aıtýda. Eń bastysy, ol Parlament paraǵyn túbegeıli japqan joq. Bolashaqta bul taqyrypqa qaıta oralýy múmkin», - dedi partıa basshysy.
