حالىق قالاۋلىسى وكىلەتتىگىن توقتاتقان ارىپتەسى ءارى كوماندالاسى تۋرالى پىكىر ءبىلدىرىپ، ونىڭ ورنىنا كىم كەلەتىنى جونىندە ايتتى.
«بىزدە دە باسقالار سياقتى پارتيالىق ءتىزىم بار. جاقىن ارادا جينالۋدى جوسپارلاپ وتىرمىز، ءبىر اپتادا كەلەسى دەپۋتاتتى انىقتاۋىمىز كەرەك. ارينە، ۇمىتكەرلەر بار. الايدا، بەيبىت الىبەكوۆتىڭ دە، نۇرلان قويانبايەۆتىڭ دا پارلامەنتكە كەلۋى ەكىتالاي.
باسقا جىگىتتەر بار. ازىرگە ەش ءفاۆوريتىمىز جوق، ءبارىمىز داۋىس بەرەمىز. دينارا شۇكىجانوۆا مۇشە بولعان كوميتەتكە ساي كەلەتىن، كاسىپكەرلىك تاجىريبەسى جەتكىلىكتى ءبىرقاتار ازاماتتارىمىز بار. شىنىمدى ايتسام، ءقازىر پىكىر ايتۋ قيىن، ويتكەنى ءارقايسىمىزدىڭ ءوز ويىمىز بار. ەندى وسى ويلاردىڭ ءبارىن ورتاعا سالامىز"، - دەدى قوجانازاروۆ.
ونىڭ دەرەگىنشە، دينارانىڭ ءوزى پارتيادا تەڭ ءتوراعا بولىپ قالا بەرەدى. ول كوپتەن بەرى بيزنەسكە قايتا ورالعىسى كەلەتىنىن ايتىپ جۇرگەن. ءبىراق ول باستاعان باستامالارىن اياقتاۋى كەرەك بولاتىن.
«ءقازىر بارلىق باستامالارىن تابىستى اياقتادى، سوندىقتان بيزنەسكە كەتىپ جاتىر. مەنىمەن جانجالداسىپ كەتتى دەگەن اڭگىمەنىڭ قاۋەسەت ەكەنىن ەسكەرتەمىن. ول مەنىڭ جاقىن دوسىم، Respublica پارتياسى قۇرىلماي تۇرىپ-اق دوس بوعلانبىز. پارتيادا كوشباسشىلىق ءۇشىن كۇرەس بولعان جوق. اينالىپ كەلگەندە، ونىڭ قالاۋى ونەركاسىپتە جۇمىس ىستەۋ بولدى. جوق، ول كارمەتكە بارمايدى، قوستانايعا، ءوزى جۇمىس ىستەگەن كاسىپورىنعا ورالادى. ەشكىم ماجىلىستەن تۇڭىلگەن جوق. دينارا، كەرىسىنشە، وتە ۇلكەن تاجىريبە العانىن ايتۋدا. ەڭ باستىسى، ول پارلامەنت پاراعىن تۇبەگەيلى جاپقان جوق. بولاشاقتا بۇل تاقىرىپقا قايتا ورالۋى مۇمكىن»، - دەدى پارتيا باسشىسى.
