Shyǵys Qazaqstan oblysynyń ákimi Nurymbet Saqtaǵanov jumys saparymen Omby qalasyna baryp, Omby oblysynyń gýbernatory Vitalii Hotsenkomen kezdesý ótkizdi. Kelissóz barysynda taraptar ekijaqty yntymaqtastyqty nyǵaitýǵa baǵyttalǵan birqatar strategiialyq máselelerdi talqylady,- dep habarlaidy Dalanews.kz
Óńir basshylary saýda-ekonomikalyq, ǵylymi-tehnikalyq, áleýmettik-gýmanitarlyq jáne mádeni bailanystardy odan ári damytýǵa nietti ekenderin rastady. Kezdesý barysynda jastar men gýmanitarlyq bastamalardy jandandyrý, mádeni-tarihi týrizmdi damytý boiynsha birlesken jumys tobyn qurý jáne 2028 jylǵa deiingi ekijaqty is-sharalar josparyn ázirleý máselelerine erekshe kóńil bólindi.
Talqylanǵan negizgi taqyryptardyń biri – Qytai Halyq Respýblikasynan bastalatyn jáne Shyǵys Qazaqstan arqyly ótip, Abai jáne Pavlodar oblystaryn, Omby oblysy men basqa da reseilik óńirlerdi qamti otyryp, Soltústik Muzdy muhitqa deiin jetetin keme júretin jańa baǵyt ashý boldy.
Sondai-aq reseilik investorlardyń Shyǵys Qazaqstanda júzege asyrylatyn jobalarǵa qatysý múmkindikteri sóz boldy. Nurymbet Saqtaǵanov reseilik seriktesterdi «Altay Invest-2025» halyqaralyq investitsiialyq forýmyna qatysýǵa shaqyrdy. Budan bólek, bilim berý, densaýlyq saqtaý jáne sport salalaryndaǵy yntymaqtastyqtyń bolashaǵy talqylandy.
Sapar sońynda qazaqstandyq delegatsiia Omby qalasynyń 309 jyldyǵyna arnalǵan saltanatty is-sharalarǵa qatysty.
