ShQO-da 436,1 myń gektar jerge egin egildi, bul josparlanǵan kólemniń 70 paiyzyn quraidy. Bul týraly ShQO Aýyl sharýashylyǵy basqarmasynyń basshysy Ajar Kadjibekova Óńirlik kommýnikatsiialar qyzmeti alańynda málimdedi, – dep habarlaidy Dalanews.kz
2025 jyly oblystaǵy jalpy egistik kólemi 618,1 myń gektardy quraidy. Bul ótken jylmen salystyrǵanda 10,8 myń gektarǵa kóp. Atap aitqanda, dándi daqyldarǵa 252,6 myń gektar, maily daqyldarǵa 224,5 myń gektar bólingen. Onyń ishinde 207 myń gektary kúnbaǵysqa arnalǵan. Sonymen qatar, kartop pen qaraqumyq egiletin alqaptar da ulǵaitylǵan.
Agroónerkásip keshenindegi basty jańalyqtardyń biri – zamanaýi sebý tehnikasynyń keńinen engizilýi. GPS-navigatsiia jáne qashyqtan basqarý júiesimen jabdyqtalǵan keshender agrotehnikalyq talaptardy dál saqtaýǵa, tuqym men janarmaidy únemdeýge, ári egis jumysyn aitarlyqtai jedeldetýge múmkindik berýde. Mundai keshen bir kúnde 100–150 gektar jerdi óńdei alady.
Sharýalardy janar-jaǵarmaimen qamtý úshin 15,5 myń tonna arzandatylǵan dizel otyny bólingen, onyń 46 paiyzy búginde jetkizildi. Sonymen qatar, 44,2 myń tonna mineraldy tyńaitqyshqa kelisimshart jasalyp, 40 myń tonnasy óńirge jetkizildi.
Egis naýqanyna qarjylai qoldaý da kórsetilýde. «Keń dala 2» jeńildetilgen nesie berý baǵdarlamasy aiasynda 96 aýyl sharýashylyǵy óndirýshisi jalpy somasy 7,3 mlrd teńgege nesie aldy. Budan bólek, «Ertis» áleýmettik-kásipkerlik korporatsiiasy arqyly 5,9 mlrd teńge bólinip, taǵy tórt sharýashylyq qarjylandyryldy. Oblystyq biýdjetten tuqym sharýashylyǵyn, tyńaitqysh pen pestitsidter qunyn arzandatýǵa, sondai-aq sýarmaly sýdy jetkizýge 5,1 mlrd teńge kóleminde sýbsidiia bólindi.
Memlekettik qoldaý men tsifrlyq tehnologiialardyń arqasynda shyǵysqazaqstandyq diqandar kóktemgi naýqandy sapaly ári ýaqytyly júrgizip, mol ónimniń negizin qalaýda.
