ShQO jastary «Jas kásipker» jobasyna belsene qatysýda
Biznestiń qyr-syryn úirengenderdiń arasynda shalǵaidaǵy aýdan, aýyldardyń jastary kóp. Aitalyq, bir ǵana Zaisan aýdanynyń ózinen 40-tan astam qyz ben jigit «Jas kásipker» jobasy boiynsha bilim-biligin jetildirip, barlyǵy biznes jobalaryn sátti qorǵap shyqqan.
Jaqynda osy aýdannyń taǵy 25 turǵyny sertifikatqa ie bolmaqshy. Jastardyń biri tigin tsehyn, kelesisi shashtaraz, sán-salon, endi biri naýbaihana ashýdy kózdep otyr.
Jastar 3 kúndik seminarda kez kelgen kásip neden bastalady, onyń tiimdiligin qalai boljaý kerek jáne bastysy biznes jospardy qalai qurý kerektigin úirengen. Zaisandaǵy jastardyń arasynda aqparattyq tehnologiia boiynsha kásip ashýdy kózdegen Jandos Qabdrasylov oiyn bylaisha sabaqtady.
– Aqparattyq tehnologiia salasynda shaǵyn kásip ashýdy aldyma maqsat etip qoiyp otyrmyn. Sol sebepti seminardan esep júrgizý, naryqty zertteýge bailanysty ózime kerek kóp málimetter aldym, – dep zaisandyq jas «Jas kásipker» jobasynyń ózi úshin bereri kóp bolǵanyn tilge tiek etti.
Shyǵys Qazaqstan oblystyq jastar qoǵamdyq birlestiginiń ókili Aidyn Qaiyrbekulynyń aitýynsha, bul joba 3 kúndik seminarmen aiaqtalmaidy, Semei qalasynda 1 jylǵa deiin sozylatyn, konsýltativtik ortalyq jumys atqarady.
– Árine, alys aýdandardaǵy jastardy Semeige at terletip múmkindigi bolmaitynyn eskerip, bizder biznestiń qyr-syryn úirenýge bet burǵan jastar úshin Semeidegi konsýltativtik ortalyqtyń onlain rejimde de jumys istep, kásip bastaǵan jastardyń kókeiinde týyndaǵan suraqtarǵa tegin keńester alýyna múmkindik týǵyzyp otyrmyz, – dedi jastar kóshbasshysy.
Ortalyqtan shalǵai jatqan aýdan, aýyldardaǵy jastardyń kásipkerlikpen ainalysýǵa dep qoiý kóńil qýantady. Isin bastaǵan jas kásipkerler aldaǵy ýaqytta elimizd ekonomikalyq turǵydan qýatty elge ainalýyna negiz bolatynyn eskersek, «Jas kásipker» jobasynyń el úshin paidasy zor bolatynyn baǵamdaýǵa bolady.
