بيزنەستىڭ قىر-سىرىن ۇيرەنگەندەردىڭ اراسىندا شالعايداعى اۋدان، اۋىلداردىڭ جاستارى كوپ. ايتالىق، ءبىر عانا زايسان اۋدانىنىڭ وزىنەن 40-تان استام قىز بەن جىگىت «جاس كاسىپكەر» جوباسى بويىنشا بىلىم-بىلىگىن جەتىلدىرىپ، بارلىعى بيزنەس جوبالارىن ءساتتى قورعاپ شىققان.
جاقىندا وسى اۋداننىڭ تاعى 25 تۇرعىنى سەرتيفيكاتقا يە بولماقشى. جاستاردىڭ ءبىرى تىگىن سەحىن، كەلەسىسى شاشتاراز، ءسان-سالون، ەندى ءبىرى ناۋبايحانا اشۋدى كوزدەپ وتىر.
جاستار 3 كۇندىك سەميناردا كەز كەلگەن كاسىپ نەدەن باستالادى، ونىڭ تيىمدىلىگىن قالاي بولجاۋ كەرەك جانە باستىسى بيزنەس جوسپاردى قالاي قۇرۋ كەرەكتىگىن ۇيرەنگەن. زايسانداعى جاستاردىڭ اراسىندا اقپاراتتىق تەحنولوگيا بويىنشا كاسىپ اشۋدى كوزدەگەن جاندوس قابدراسىلوۆ ويىن بىلايشا ساباقتادى.
– اقپاراتتىق تەحنولوگيا سالاسىندا شاعىن كاسىپ اشۋدى الدىما ماقسات ەتىپ قويىپ وتىرمىن. سول سەبەپتى سەميناردان ەسەپ جۇرگىزۋ، نارىقتى زەرتتەۋگە بايلانىستى وزىمە كەرەك كوپ مالىمەتتەر الدىم، – دەپ زايساندىق جاس «جاس كاسىپكەر» جوباسىنىڭ ءوزى ءۇشىن بەرەرى كوپ بولعانىن تىلگە تيەك ەتتى.
شىعىس قازاقستان وبلىستىق جاستار قوعامدىق بىرلەستىگىنىڭ وكىلى ايدىن قايىربەك ۇلىنىڭ ايتۋىنشا، بۇل جوبا 3 كۇندىك سەمينارمەن اياقتالمايدى، سەمەي قالاسىندا 1 جىلعا دەيىن سوزىلاتىن، كونسۋلتاتيۆتىك ورتالىق جۇمىس اتقارادى.
– ارينە، الىس اۋداندارداعى جاستاردى سەمەيگە ات تەرلەتىپ مۇمكىندىگى بولمايتىنىن ەسكەرىپ، بىزدەر بيزنەستىڭ قىر-سىرىن ۇيرەنۋگە بەت بۇرعان جاستار ءۇشىن سەمەيدەگى كونسۋلتاتيۆتىك ورتالىقتىڭ ونلاين رەجيمدە دە جۇمىس ىستەپ، كاسىپ باستاعان جاستاردىڭ كوكەيىندە تۋىنداعان سۇراقتارعا تەگىن كەڭەستەر الۋىنا مۇمكىندىك تۋعىزىپ وتىرمىز، – دەدى جاستار كوشباسشىسى.
ورتالىقتان شالعاي جاتقان اۋدان، اۋىلدارداعى جاستاردىڭ كاسىپكەرلىكپەن اينالىسۋعا دەپ قويۋ كوڭىل قۋانتادى. ءىسىن باستاعان جاس كاسىپكەرلەر الداعى ۋاقىتتا ەلىمىزد ەكونوميكالىق تۇرعىدان قۋاتتى ەلگە اينالۋىنا نەگىز بولاتىنىن ەسكەرسەك، «جاس كاسىپكەر» جوباسىنىڭ ەل ءۇشىن پايداسى زور بولاتىنىن باعامداۋعا بولادى.
