Ahýaldyq ortalyqta ministr "Sergek", "Biryńǵai bailanys ortalyǵy 109" jáne "biryńǵai kezekshi-dispetcher qyzmeti 112" júiesi jáne "ShQO ákiminiń Ahýaldyq ortalyǵy" aqparattyq júiesimen tanysty.
Sonymen qatar Danial Ahmetov pen Baǵdat Mýsin ShQO-da tuńǵysh ret «Astana hub» kómegimen paidalanýǵa berilip otyrǵan óńirlik "Oskemen IT-hub" ashylýyna qatysty. Mundaǵy negizgi maqsat óńirdegi jastardyń IT jobalaryn qolǵa alyp, iske asýyna qoldaý kórsetip, oblystaǵy mektepter men joǵary oqý oryndaryndaǵy talantty jastardy iriktep alý bolyp tabylady.
Biyl 20-30 IT jobalardy "Oskemen IT-hub" iske asyrýdy kózdep otyr. Al oblys ákimdiginde óńir basshysy men QR Tsifrlyq damý, innovatsiialar jáne aeroǵarysh ónerkásibi ministri Shyǵys Qazaqstan oblysynyń eldi mekenderiniń internet jelisine sapaly keń jolaqty qoljetimdilikti qamtamasyz etý boiynsha Jol kartasyna qol qoidy.
– Shyǵys Qazaqstan oblysynda densaýlyq saqtaý salasynyń tsifrlandyrý baǵyty boiynsha, onyń ishinde biregei onkologiialyq aýrýlardy, týberkýlezdi, pnevmoniiany (onyń ishinde kovidti) erte satysynda anyqtaýǵa múmkindik beretin jasandy intellekt «PACS júiesi» jobasy iske asyrylýda. Sonymen qatar Óskemen qalasy elimiz boiynsha Smart sity qalalardyń reitingi boiynsha 3-shi orynda. Bul úlken jetistik. Meditsina salasy boiynsha jańa tehnologiiany paidalaný boiynsha elimizde aldyńǵy qatarda sizderdiń aimaqtaryńyz, – dedi Baǵdat Mýsin.
