احۋالدىق ورتالىقتا مينيستر "سەرگەك"، "ءبىرىڭعاي بايلانىس ورتالىعى 109" جانە "ءبىرىڭعاي كەزەكشى-ديسپەچەر قىزمەتى 112" جۇيەسى جانە "شقو اكىمىنىڭ احۋالدىق ورتالىعى" اقپاراتتىق جۇيەسىمەن تانىستى.
سونىمەن قاتار دانيال احمەتوۆ پەن باعدات مۋسين شقو-دا تۇڭعىش رەت «Astana hub» كومەگىمەن پايدالانۋعا بەرىلىپ وتىرعان وڭىرلىك "Oskemen IT-hub" اشىلۋىنا قاتىستى. مۇنداعى نەگىزگى ماقسات وڭىردەگى جاستاردىڭ IT جوبالارىن قولعا الىپ، ىسكە اسۋىنا قولداۋ كورسەتىپ، وبلىستاعى مەكتەپتەر مەن جوعارى وقۋ ورىندارىنداعى تالانتتى جاستاردى ىرىكتەپ الۋ بولىپ تابىلادى.
بيىل 20-30 IT جوبالاردى "Oskemen IT-hub" ىسكە اسىرۋدى كوزدەپ وتىر. ال وبلىس اكىمدىگىندە ءوڭىر باسشىسى مەن ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى شىعىس قازاقستان وبلىسىنىڭ ەلدى مەكەندەرىنىڭ ينتەرنەت جەلىسىنە ساپالى كەڭ جولاقتى قولجەتىمدىلىكتى قامتاماسىز ەتۋ بويىنشا جول كارتاسىنا قول قويدى.
![](/uploads/images/20240127155619500.jpg)
– شىعىس قازاقستان وبلىسىندا دەنساۋلىق ساقتاۋ سالاسىنىڭ سيفرلاندىرۋ باعىتى بويىنشا، ونىڭ ىشىندە بىرەگەي ونكولوگيالىق اۋرۋلاردى، تۋبەركۋلەزدى، پنيەۆمونيانى (ونىڭ ىشىندە كوۆيدتى) ەرتە ساتىسىندا انىقتاۋعا مۇمكىندىك بەرەتىن جاساندى ينتەللەكت «PACS جۇيەسى» جوباسى ىسكە اسىرىلۋدا. سونىمەن قاتار وسكەمەن قالاسى ەلىمىز بويىنشا Smart sity قالالاردىڭ رەيتينگى بويىنشا 3ء-شى ورىندا. بۇل ۇلكەن جەتىستىك. مەديسينا سالاسى بويىنشا جاڭا تەحنولوگيانى پايدالانۋ بويىنشا ەلىمىزدە الدىڭعى قاتاردا سىزدەردىڭ ايماقتارىڭىز، – دەدى باعدات مۋسين.