Bul jaqsy jańalyq dástúrli tamyz konferentsiiasy kezinde málim boldy. Marapatqa Shyǵys Qazaqstan oblysynyń bilim berý júiesine úlken úles qosqan pedagogtar ie bolady.
Esterińizge sala keteiik, ótken jyly «Pedagog mártebesi týraly» zań qabyldandy. Bul pedagogtardyń eńbek jaǵdaiyn jaqsartýǵa jáne jalaqysyn arttyrýǵa múmkindik berdi. Mysaly, búgingi tańda 24 045 pedagogtyń 13 916-sy jańa format boiynsha attestattaýdan ótip, óz jalaqysyn 30%-dan 50%-ǵa deiin kóterdi.
Ótken oqý jylynan bastap alǵash ret 800 pedagog magistratýraǵa 26 myń teńge kóleminde qosymsha aqy alady.
Jańa oqý jylynan bastap pedagogtardy jumysqa qabyldaý júiesi ózgeredi. Eger buryn jumysqa qabyldaýdy direktor júzege asyrsa, endi tiisti biliktilik talaptaryna sáikes konkýrs elektrondyq formatta ótkiziletin bolady.
Aǵymdaǵy jyldyń qyrkúiek aiynan bastap bilim berý uiymdarynyń direktorlaryn taǵaiyndaýdyń jańa júiesi engiziledi. Ol osy obektiler jumysynyń sapasy men tiimdiligin arttyrýy tiis.
Aita ketý kerek, bilim berý uiymdarynyń direktorlaryn rotatsiialaý institýty alǵash ret engizilýde. Ol birinshi basshylarǵa qoiylatyn biliktilik talaptaryna sáikes júrgiziletin bolady.
Pedagogikalyq qyzmetke alǵash kirisetin JOO túlekteri de "Pedagog" biliktiligin alý úshin Ulttyq biliktilik testinen ótýi tiis.
Aita ketý kerek, 4 jyl boiy "Bilikti maman" jobasy júzege asyrylýda. Onyń aiasynda jergilikti biýdjet esebinen 2 myńǵa jýyq bilim granty bólindi. Onyń 800-ge jýyǵy pedagogikalyq mamandyqtarǵa jiberildi. Bul joba óńirdegi mektepter men kolledjder túlekteriniń ketýin azaitýǵa baǵyttalǵan.
