بۇل جاقسى جاڭالىق دەستٷرلٸ تامىز كونفەرەنتسيياسى كەزٸندە مەلٸم بولدى. ماراپاتقا شىعىس قازاقستان وبلىسىنىڭ بٸلٸم بەرۋ جٷيەسٸنە ٷلكەن ٷلەس قوسقان پەداگوگتار يە بولادى.
ەستەرٸڭٸزگە سالا كەتەيٸك, ٶتكەن جىلى «پەداگوگ مەرتەبەسٸ تۋرالى» زاڭ قابىلداندى. بۇل پەداگوگتاردىڭ ەڭبەك جاعدايىن جاقسارتۋعا جەنە جالاقىسىن ارتتىرۋعا مٷمكٸندٸك بەردٸ. مىسالى, بٷگٸنگٸ تاڭدا 24 045 پەداگوگتىڭ 13 916-سى جاڭا فورمات بويىنشا اتتەستاتتاۋدان ٶتٸپ, ٶز جالاقىسىن 30%-دان 50%-عا دەيٸن كٶتەردٸ.
ٶتكەن وقۋ جىلىنان باستاپ العاش رەت 800 پەداگوگ ماگيستراتۋراعا 26 مىڭ تەڭگە كٶلەمٸندە قوسىمشا اقى الادى.
جاڭا وقۋ جىلىنان باستاپ پەداگوگتاردى جۇمىسقا قابىلداۋ جٷيەسٸ ٶزگەرەدٸ. ەگەر بۇرىن جۇمىسقا قابىلداۋدى ديرەكتور جٷزەگە اسىرسا, ەندٸ تيٸستٸ بٸلٸكتٸلٸك تالاپتارىنا سەيكەس كونكۋرس ەلەكتروندىق فورماتتا ٶتكٸزٸلەتٸن بولادى.
اعىمداعى جىلدىڭ قىركٷيەك ايىنان باستاپ بٸلٸم بەرۋ ۇيىمدارىنىڭ ديرەكتورلارىن تاعايىنداۋدىڭ جاڭا جٷيەسٸ ەنگٸزٸلەدٸ. ول وسى وبەكتٸلەر جۇمىسىنىڭ ساپاسى مەن تيٸمدٸلٸگٸن ارتتىرۋى تيٸس.
ايتا كەتۋ كەرەك, بٸلٸم بەرۋ ۇيىمدارىنىڭ ديرەكتورلارىن روتاتسييالاۋ ينستيتۋتى العاش رەت ەنگٸزٸلۋدە. ول بٸرٸنشٸ باسشىلارعا قويىلاتىن بٸلٸكتٸلٸك تالاپتارىنا سەيكەس جٷرگٸزٸلەتٸن بولادى.
پەداگوگيكالىق قىزمەتكە العاش كٸرٸسەتٸن جوو تٷلەكتەرٸ دە "پەداگوگ" بٸلٸكتٸلٸگٸن الۋ ٷشٸن ۇلتتىق بٸلٸكتٸلٸك تەستٸنەن ٶتۋٸ تيٸس.
ايتا كەتۋ كەرەك, 4 جىل بويى "بٸلٸكتٸ مامان" جوباسى جٷزەگە اسىرىلۋدا. ونىڭ اياسىندا جەرگٸلٸكتٸ بيۋدجەت ەسەبٸنەن 2 مىڭعا جۋىق بٸلٸم گرانتى بٶلٸندٸ. ونىڭ 800-گە جۋىعى پەداگوگيكالىق ماماندىقتارعا جٸبەرٸلدٸ. بۇل جوبا ٶڭٸردەگٸ مەكتەپتەر مەن كوللەدجدەر تٷلەكتەرٸنٸڭ كەتۋٸن ازايتۋعا باعىتتالعان.
