الماتىدا 12 جاستاعى ابىلايحاننىڭ ٶلٸمٸنە قاتىستى جاڭا مەلٸمەتتەر بەلگٸلٸ بولدى. بالانى پىشاقتاپ ٶلتٸرگەن 13 جاستاعى جاسٶسپٸرٸم قىلمىستىق جاۋاپكەرشٸلٸككە تارتىلماي, بٸر جىلعا ارنايى مەكتەپ-ينتەرناتقا ورنالاستىرىلعان. مارقۇمنىڭ تۋىستارى بۇل شەشٸمگە كەلٸسپەي, زاڭنامانى ٶزگەرتۋدٸ تالاپ ەتٸپ وتىر, دەپ حابارلايدى dalanews.kz.
قايعىلى وقيعا وسىدان بەس اي بۇرىن الماتى قالاسىندا بولعان. التىنشى سىنىپتى اياقتاعان 12 جاستاعى ابىلايحان ەكٸ وقۋشى اراسىنداعى جانجال كەزٸندە قازا تاپقان.
جارييالانعان مەلٸمەتكە سەيكەس, جاسٶسپٸرٸمگە 16 رەت پىشاق جاراقاتى سالىنعان. الدىن الا اقپارات بويىنشا, ەكٸ وقۋشى اراسىنداعى جانجالعا قىز بالاعا قاتىستى كەلٸسپەۋشٸلٸك سەبەپ بولعان.
الايدا كٷدٸكتٸ وقيعا كەزٸندە 13 جاستا بولعاندىقتان, قولدانىستاعى زاڭناماعا سەيكەس قىلمىستىق جاۋاپكەرشٸلٸككە تارتىلماعان.
جاسٶسپٸرٸم بٸر جىلعا ارنايى ينتەرناتقا جٸبەرٸلدٸ
باسىلىمنىڭ حابارلاۋىنشا, ٸس قىلمىستىق سوت تالقىلاۋىنا جەتپەي توقتاتىلعان.
وقيعادان كەيٸن جاسٶسپٸرٸم تٶرت اي بويى پسيحياترييالىق مەديتسينالىق مەكەمەدە ەم قابىلداعان. كەيٸن ول سەمەي قالاسىنداعى ارنايى مەكتەپ-ينتەرناتقا بٸر جىل مەرزٸمگە ورنالاستىرىلعان.
سونداي-اق ونىڭ اتا-اناسىنا 86 مىڭ تەڭگە كٶلەمٸندە ەكٸمشٸلٸك ايىپپۇل سالىنعانى حابارلاندى.
پوليتسييا ٶكٸلدەرٸ قولدانىستاعى زاڭ بويىنشا اسا اۋىر قىلمىس جاسادى دەگەن كٷدٸككە ٸلٸنگەن ادامنىڭ جاسى 14-كە تولماسا, وعان قىلمىستىق جاۋاپكەرشٸلٸك قولدانىلمايتىنىن تٷسٸندٸرگەن.
«نەمەرەمنٸڭ ٶلٸمٸ ٷشٸن ەدٸل جازا بەرٸلگەن جوق»
مارقۇم ابىلايحاننىڭ ەجەسٸ ساعادات ٶسەنوۆا قابىلدانعان شەشٸمگە نارازىلىعىن بٸلدٸردٸ.
ول نەمەرەسٸنٸڭ ٶلٸمٸنە قاتىستى جاعدايدىڭ وسىلاي اياقتالعانىنا قىنجىلىپ, كەمەلەتكە تولماعانداردىڭ قىلمىستىق جاۋاپكەرشٸلٸك جاسىنا قاتىستى تالاپتاردى قايتا قاراۋدى سۇرادى.
«مەنٸڭ يتٸمدٸ ٶلتٸرگەندەي بولىپ كەلٸپ-كەتتٸ. سوندا قالاي?! سوندا بارلىعى, 13 جاستاعى بالالاردىڭ بارلىعى 14-كە تولمادىق دەپ, ٶلتٸرە بەرەدٸ مە?! سول بەس ايدىڭ ٸشٸندە مەن بٸلٸپ وتىرعان تٶرت ٶلٸم بار. 13 جاستاعى بالا ٶلتٸرٸپ كەتٸپ جاتقان. بٸز بٸلمەگەنٸمٸز قانشا?!» – دەدٸ ساعادات ٶسەنوۆا.
ەجەسٸنٸڭ سٶزٸنشە, قولدانىستاعى قۇقىقتىق تەرتٸپ نەمەرەسٸنەن ايىرىلعان وتباسىنىڭ ەدٸلدٸككە دەگەن تالابىن قاناعاتتاندىرماعان.
ادۆوكات قىلمىستىق جاۋاپكەرشٸلٸك جاسىن تٶمەندەتۋدٸ ۇسىندى
جەبٸرلەنۋشٸ تاراپتىڭ مٷددەسٸن قورعاپ جٷرگەن ادۆوكات ارمان شەرٸپوۆ تە زاڭناماداعى جاس شەكتەۋٸنە بايلانىستى پٸكٸر بٸلدٸردٸ.
ونىڭ ۇسىنىسى بويىنشا, اۋىر قىلمىس جاساعان بالالارعا قاتىستى قىلمىستىق جاۋاپكەرشٸلٸك جاسىن 12 جاسقا دەيٸن تٶمەندەتۋ مەسەلەسٸن قاراستىرۋ قاجەت.
«جاۋاپكەرشٸلٸكتٸ 12 جاستان باستاپ ەنگٸزۋ كەرەك. نەگە دەسەڭٸز, قازٸر بالالار جاساندى ينتەلەكت دەيمٸز, ينتەرنەت دەيمٸز, ون ەكٸ جاستاعى بالا ەرەسەك ادامداردان دا اقىلدى. ولاردىڭ ٶرٸسٸ بٸزدەن دە دامىعان. ولار قانشالىقتى مىناۋ قوعامعا قاۋٸپتٸ ەكەنٸن, قاۋٸپتٸ ەمەستٸگٸن بٸزدەن جاقسى بٸلەدٸ. ون ەكٸ جاستاعى بالالار قىلمىس جاساعان بولسا, تيٸستٸ تٷردە جاۋاپقا تارتىلۋى كەرەك», – دەدٸ ادۆوكات.
بۇل – جەبٸرلەنۋشٸ تاراپ ادۆوكاتىنىڭ ۇسىنىسى. قازٸرگٸ ۋاقىتتا قازاقستاندا اتالعان مەسەلە بويىنشا زاڭ ٶزگەرتٸلگەنٸ تۋرالى اقپارات جوق.
مارقۇمنىڭ وتباسى كەمەلەتكە تولماعانداردىڭ قىلمىستىق جاۋاپكەرشٸلٸك جاسىن قايتا قاراۋدى تالاپ ەتٸپ, تيٸستٸ ورگاندارعا جٷگٸنۋگە دايىندالىپ جاتىر.
وسىلايشا, ابىلايحاننىڭ ٶلٸمٸنە قاتىستى وقيعا بالالار اراسىنداعى زورلىق-زومبىلىقتىڭ الدىن الۋ جەنە اۋىر قۇقىق بۇزۋشىلىقتار ٷشٸن جاۋاپكەرشٸلٸك جاسىن بەلگٸلەۋ مەسەلەسٸن قايتا كٶتەردٸ.
