Shyǵys Qazaqstan oblysynda ultaralyq arazdyqty qozdyrdy degen kúdikpen bloger ustaldy, dep habarlaıdy Dalanews.kz İshki ister mınıstrligine silteme jasap.
Vedomstvo málimetinshe, jarıalanǵan vıdeomaterıaldarǵa psıhologıalyq-fılologıalyq saraptama júrgizilip, onda ultaralyq arazdyqty qozdyrý belgileri bar ekeni rastalǵan.
Polısıanyń deregine sáıkes, quqyq qorǵaý organdaryna TikTok jelisindegi qoldanýshyǵa qatysty shaǵymmen óńir turǵyny júgingen. Ol tikeleı efır barysynda ulttyq belgi boıynsha qorlaıtyn sózder aıtylǵanyn kórsetken.
Aqparatta 35 jastaǵy er adamnyń birneshe akkaýnt arqyly «batl» formatynda tikeleı efırler ótkizgeni aıtyldy. Boljam boıynsha, ol mas kúıinde balaǵat sózder aıtyp, ar-namysty qorlaıtyn pikirler bildirgen.
Qazirgi ýaqytta kúdikti ýaqytsha ustaý ızolátoryna qamaldy. Atalǵan derek boıynsha sotqa deıingi tergeý amaldary júrgizilip jatyr.
