Shyǵys Qazaqstan oblysynda qyzylsha juqtyrǵandar sany 200-den asyp ketti.
Búgingi tańda óńir boiynsha 219 adam qyzylsha juqtyrdy. Naýqastardyń 49,3%-y eresekter, 35,1%-y 14 jasqa deiingi balalar, 15,5%-y jasóspirimder.
«Syrqattanǵandardyń deni ekpe almaǵandar nemese vaktsinatsiia týraly málimetteri joq adamdar. Naqty aitqanda, 7 adam - josparly vaktsinatsiia jasyna jetpegender, 24 patsient meditsinalyq qarsy kórsetilimderge bailanysty ekpe saldyrmaǵandar, 33 adam vaktsinatsiiadan bas tartqandar, 4 naýqas ekpe alý múmkindigin ótkizip alǵandar. Al 44 adam vaktsina alsa da aýyrsa, 107 adamnyń immýndyq mártebesi belgisiz», - deidi ShQO Sanitarlyq-epidemiologiialyq baqylaý departamenti basshysynyń orynbasary Sáýle Sliamǵazina.
Onyń aitýynsha, ótken jyldyń 6 qarashasynan bastap 6-11 ailyq balalarǵa qyzylshaǵa, qyzamyqqa jáne parotitke qarsy vaktsina salý naýqany júrgizilýde. Jeltoqsan aiynan egý mártebesine qaramastan 2-4 jastaǵy balalar da vaktsina alýda.
Sol ýaqyttan bastap osyǵan deiin oblys boiynsha 6-dan 11 aiǵa deiingi 3482 bala, 2-4 jastaǵy 19 935 bala ekpe saldyrdy.
