شقو-دا قىزىلشا جۇقتىرعاندار سانى 200-دەن استى

بٷگٸنگٸ تاڭدا ٶڭٸر بويىنشا 219 ادام قىزىلشا جۇقتىردى. ناۋقاستاردىڭ 49,3%-ى ەرەسەكتەر, 35,1%-ى 14 جاسقا دەيٸنگٸ بالالار, 15,5%-ى جاسٶسپٸرٸمدەر.

«سىرقاتتانعانداردىڭ دەنٸ ەكپە الماعاندار نەمەسە ۆاكتسيناتسييا تۋرالى مەلٸمەتتەرٸ جوق ادامدار. ناقتى ايتقاندا, 7 ادام - جوسپارلى ۆاكتسيناتسييا جاسىنا جەتپەگەندەر, 24 پاتسيەنت مەديتسينالىق قارسى كٶرسەتٸلٸمدەرگە بايلانىستى ەكپە سالدىرماعاندار, 33 ادام ۆاكتسيناتسييادان باس تارتقاندار, 4 ناۋقاس ەكپە الۋ مٷمكٸندٸگٸن ٶتكٸزٸپ العاندار. ال 44 ادام ۆاكتسينا السا دا اۋىرسا, 107 ادامنىڭ يممۋندىق مەرتەبەسٸ بەلگٸسٸز», - دەيدٸ شقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى سەۋلە سليامعازينا.

ونىڭ ايتۋىنشا, ٶتكەن جىلدىڭ 6 قاراشاسىنان باستاپ 6-11 ايلىق بالالارعا قىزىلشاعا, قىزامىققا جەنە پاروتيتكە قارسى ۆاكتسينا سالۋ ناۋقانى جٷرگٸزٸلۋدە. جەلتوقسان ايىنان ەگۋ مەرتەبەسٸنە قاراماستان 2-4 جاستاعى بالالار دا ۆاكتسينا الۋدا.

سول ۋاقىتتان باستاپ وسىعان دەيٸن وبلىس بويىنشا 6-دان 11 ايعا دەيٸنگٸ 3482 بالا, 2-4 جاستاعى 19 935 بالا ەكپە سالدىردى.