AES salýdy qoldaý jónindegi Shyǵys Qazaqstan oblystyq halyqtyq shtabynyń músheleri Qazaqstan halqy Assambleıasynyń ókilderimen kezdesti, dep habarlaıdy Dalanews.kz Altainews.kz-ke silteme jasap.
Jıynda sarapshylar elimizde atom elektr stansıasyn salýdyń mańyzdylyǵyn túsindirip, azamattar tarapynan qoıylǵan AES-ke qatysty suraqtarǵa jaýap berdi.
«Memleket basshysy halyqqa Joldaýynda atom elektr stansıasyn salý máselesiniń sońǵy sheshimin halyq qabyldaıtyndyǵyn naqty atap, referendým ótkizý qajettigin aıtty. 6 qazanda AES salý boıynsha referendým ótedi. Elimizdiń azamaty retinde referendýmǵa qatysyp, óz kózqarasyn bildirýge kez-kelgen azamat quqyly»,-dedi halyqtyq shtab múshesi Amanbaı Nurkenov.
Kezdesý barysynda jurtshylyqqa bul bastamanyń elimizdiń ekologıalyq qaýipsizdigi men ekonomıkalyq tıimdiligine, sondaı-aq otandyq energetıka salasyndaǵy strategıalyq mánine basa mán berildi. Shtab músheleri AES salý elimizdi energıaǵa degen táýeldilikten aryltyp qana qoımaı, onyń áleýmettik-ekonomıkalyq jaǵdaıyn jaqsartýǵa serpin beretinin alǵa tartty.
