اەس سالۋدى قولداۋ جونىندەگى شىعىس قازاقستان وبلىستىق حالىقتىق شتابىنىڭ مۇشەلەرى قازاقستان حالقى اسسامبلەياسىنىڭ وكىلدەرىمەن كەزدەستى، دەپ حابارلايدى Dalanews.kz Altainews.kz-كە سىلتەمە جاساپ.
جيىندا ساراپشىلار ەلىمىزدە اتوم ەلەكتر ستانسياسىن سالۋدىڭ ماڭىزدىلىعىن ءتۇسىندىرىپ، ازاماتتار تاراپىنان قويىلعان اەس-كە قاتىستى سۇراقتارعا جاۋاپ بەردى.
«مەملەكەت باسشىسى حالىققا جولداۋىندا اتوم ەلەكتر ستانسياسىن سالۋ ماسەلەسىنىڭ سوڭعى شەشىمىن حالىق قابىلدايتىندىعىن ناقتى اتاپ، رەفەرەندۋم وتكىزۋ قاجەتتىگىن ايتتى. 6 قازاندا اەس سالۋ بويىنشا رەفەرەندۋم وتەدى. ەلىمىزدىڭ ازاماتى رەتىندە رەفەرەندۋمعا قاتىسىپ، ءوز كوزقاراسىن بىلدىرۋگە كەز-كەلگەن ازامات قۇقىلى»،-دەدى حالىقتىق شتاب مۇشەسى امانباي نۇركەنوۆ.
كەزدەسۋ بارىسىندا جۇرتشىلىققا بۇل باستامانىڭ ەلىمىزدىڭ ەكولوگيالىق قاۋىپسىزدىگى مەن ەكونوميكالىق تيىمدىلىگىنە، سونداي-اق وتاندىق ەنەرگەتيكا سالاسىنداعى ستراتەگيالىق مانىنە باسا ءمان بەرىلدى. شتاب مۇشەلەرى اەس سالۋ ەلىمىزدى ەنەرگياعا دەگەن تاۋەلدىلىكتەن ارىلتىپ قانا قويماي، ونىڭ الەۋمەتتىك-ەكونوميكالىق جاعدايىن جاقسارتۋعا سەرپىن بەرەتىنىن العا تارتتى.
