Shyǵys Qazaqstan oblysynda jyl basynan beri pnevmoniiaǵa shaldyqqan naýqastar sany kúrt artqan. Densaýlyq saqtaý basqarmasy baspasóz qyzmetiniń málimetine súiensek, olardyń sany 600-den asady, dep habarlaidy Dalanews.kz.
"2024 jyldyń 1 jeltoqsanynan osy ýaqytqa deiin pnevmoniiaǵa 1963 adam shaldyqqan. Ótken jyldyń jáne onyń aldyńǵy jyldyń sáikes kezeńinde oblystyń tek 886 turǵynynan pnevmoniia anyqtalǵan bolatyn", – delingen aqparatta.
Vedomstvo málimetinshe, naýqastar sanynyń artýy diagnostikanyń jaqsarýymen bailanysty bolyp otyr. Patsientterdiń kóbine aýrýdyń bakteriialyq túrine qatysty diagnoz qoiylǵan.
Eske salaiyq, jiti respiratorlyq virýstyq infektsiialarǵa jatatyn metapnevmovirýstyń álemde taralýy týraly BAQ-taǵy sońǵy habarlarǵa bailanysty QR Densaýlyq saqtaý ministrligi qazaqstandyqtarǵa úndeý jasaǵan edi.
“Adam metapnevmovirýsy — kóptegen elde ondaǵan jyl boiy taralǵan klassikalyq virýstardyń biri. Qazaqstanda metapnevmovirýs JRVI jáne tumaýdyń maýsymdyq órshýi kezeńinde basqa virýstarmen qatar anyqtaldy”, — dep málimdedi ministrlik.
Sanitariialyq-epidemiologiialyq baqylaý komitetiniń málimeti boiynsha, epidemiialyq maýsym bastalǵannan beri respýblika boiynsha tumaýǵa jatpaityn virýstarǵa qarsy 8 360 úlgi zerttelip, onyń 1 866-sy (22%) oń nátije kórsetken.
“Olardyń arasynda paratumaý – 178 (9,5%), RS virýsy – 433 (23,2%), metapnevmovirýs – 30 (1,6%), rinovirýs – 680 (36,4%), bokavirýs – 113 (6,1%), adenovirýs – 226 (12,1%), koronavirýs – 206 (11,1%) jaǵdaiy tirkeldi”, — dep qosty vedomstvo.
Metapnevmovirýs negizinen aýa arqyly taralady jáne keide turmystyq bailanys arqyly da berilýi múmkin. Virýs belgilerine jótel, murynnan sý aǵý, entigý, bas aýrýy jáne tyrysý jatady. Aýrýdyń naqty emi joq, tek simptomatikalyq em júrgiziledi.
Qazaqstanda JRVI men tumaýdyń maýsymdyq ósýi 1 qazannan beri tirkelip, respýblikada JRVI-diń 2 002 335 jaǵdaiy jáne zerthanalyq rastalǵan tumaýdyń 941 jaǵdaiy, onyń ishinde A(H1N1) tipti tumaýdyń 910 jaǵdaiy, A(H3N2)-1 jaǵdaiy, V tumaýynyń 30 tirkeldi.
Densaýlyq saqtaý ministrligi azamattardy profilaktikalyq sharalardy saqtaýǵa, adamdar kóp jinalatyn jerlerde bailanysty shekteýge shaqyrady. Bul, ásirese, sozylmaly aýrýlary bar adamdar úshin asa mańyzdy.
Tumaý men JRVI-diń profilaktika sharalary:
• Adamdar kóp jinalatyn oryndarǵa, ásirese jabyq úi-jailarǵa barýdy shekteý;
• Úi-jailardy únemi jeldetý;
• Qoldy tazartý úshin antiseptikter men dezinfektsiialyq mailyqtar qoldaný;
• Aýrý adamdarmen bailanys ornatpaý jáne olardy oqshaýlaý;
• Tumaý men JRVI belgileri paida bolǵan kezde balalardy úide qaldyryp, uiymdasqan ujymdarǵa jibermeý;
• Aýrý belgileri paida bolǵan jaǵdaida ýaqytyly meditsinalyq kómekke júginý.
Densaýlyq saqtaý ministrligi azamattardy osy erejelerdi saqtaýǵa shaqyryp, juqpaly aýrýlardyń aldyn alý qajettigin eskertedi.
