شىعىس قازاقستان وبلىسىندا جىل باسىنان بەرٸ پنەۆمونيياعا شالدىققان ناۋقاستار سانى كٷرت ارتقان. دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, ولاردىڭ سانى 600-دەن اسادى, دەپ حابارلايدى Dalanews.kz.
"2024 جىلدىڭ 1 جەلتوقسانىنان وسى ۋاقىتقا دەيٸن پنەۆمونيياعا 1963 ادام شالدىققان. ٶتكەن جىلدىڭ جەنە ونىڭ الدىڭعى جىلدىڭ سەيكەس كەزەڭٸندە وبلىستىڭ تەك 886 تۇرعىنىنان پنەۆمونييا انىقتالعان بولاتىن", – دەلٸنگەن اقپاراتتا.
ۆەدومستۆو مەلٸمەتٸنشە, ناۋقاستار سانىنىڭ ارتۋى دياگنوستيكانىڭ جاقسارۋىمەن بايلانىستى بولىپ وتىر. پاتسيەنتتەردٸڭ كٶبٸنە اۋرۋدىڭ باكتەرييالىق تٷرٸنە قاتىستى دياگنوز قويىلعان.
ەسكە سالايىق, جٸتٸ رەسپيراتورلىق ۆيرۋستىق ينفەكتسييالارعا جاتاتىن مەتاپنەۆموۆيرۋستىڭ ەلەمدە تارالۋى تۋرالى باق-تاعى سوڭعى حابارلارعا بايلانىستى قر دەنساۋلىق ساقتاۋ مينيسترلٸگٸ قازاقستاندىقتارعا ٷندەۋ جاساعان ەدٸ.
“ادام مەتاپنەۆموۆيرۋسى — كٶپتەگەن ەلدە ونداعان جىل بويى تارالعان كلاسسيكالىق ۆيرۋستاردىڭ بٸرٸ. قازاقستاندا مەتاپنەۆموۆيرۋس جرۆي جەنە تۇماۋدىڭ ماۋسىمدىق ٶرشۋٸ كەزەڭٸندە باسقا ۆيرۋستارمەن قاتار انىقتالدى”, — دەپ مەلٸمدەدٸ مينيسترلٸك.
سانيتارييالىق-ەپيدەميولوگييالىق باقىلاۋ كوميتەتٸنٸڭ مەلٸمەتٸ بويىنشا, ەپيدەمييالىق ماۋسىم باستالعاننان بەرٸ رەسپۋبليكا بويىنشا تۇماۋعا جاتپايتىن ۆيرۋستارعا قارسى 8 360 ٷلگٸ زەرتتەلٸپ, ونىڭ 1 866-سى (22%) وڭ نەتيجە كٶرسەتكەن.
“ولاردىڭ اراسىندا پاراتۇماۋ – 178 (9,5%), رس ۆيرۋسى – 433 (23,2%), مەتاپنەۆموۆيرۋس – 30 (1,6%), رينوۆيرۋس – 680 (36,4%), بوكاۆيرۋس – 113 (6,1%), ادەنوۆيرۋس – 226 (12,1%), كوروناۆيرۋس – 206 (11,1%) جاعدايى تٸركەلدٸ”, — دەپ قوستى ۆەدومستۆو.
مەتاپنەۆموۆيرۋس نەگٸزٸنەن اۋا ارقىلى تارالادى جەنە كەيدە تۇرمىستىق بايلانىس ارقىلى دا بەرٸلۋٸ مٷمكٸن. ۆيرۋس بەلگٸلەرٸنە جٶتەل, مۇرىننان سۋ اعۋ, ەنتٸگۋ, باس اۋرۋى جەنە تىرىسۋ جاتادى. اۋرۋدىڭ ناقتى ەمٸ جوق, تەك سيمپتوماتيكالىق ەم جٷرگٸزٸلەدٸ.
قازاقستاندا جرۆي مەن تۇماۋدىڭ ماۋسىمدىق ٶسۋٸ 1 قازاننان بەرٸ تٸركەلٸپ, رەسپۋبليكادا جرۆي-دٸڭ 2 002 335 جاعدايى جەنە زەرتحانالىق راستالعان تۇماۋدىڭ 941 جاعدايى, ونىڭ ٸشٸندە ا(H1N1) تيپتٸ تۇماۋدىڭ 910 جاعدايى, ا(H3N2)-1 جاعدايى, ۆ تۇماۋىنىڭ 30 تٸركەلدٸ.
دەنساۋلىق ساقتاۋ مينيسترلٸگٸ ازاماتتاردى پروفيلاكتيكالىق شارالاردى ساقتاۋعا, ادامدار كٶپ جينالاتىن جەرلەردە بايلانىستى شەكتەۋگە شاقىرادى. بۇل, ەسٸرەسە, سوزىلمالى اۋرۋلارى بار ادامدار ٷشٸن اسا ماڭىزدى.
تۇماۋ مەن جرۆي-دٸڭ پروفيلاكتيكا شارالارى:
• ادامدار كٶپ جينالاتىن ورىندارعا, ەسٸرەسە جابىق ٷي-جايلارعا بارۋدى شەكتەۋ;
• ٷي-جايلاردى ٷنەمٸ جەلدەتۋ;
• قولدى تازارتۋ ٷشٸن انتيسەپتيكتەر مەن دەزينفەكتسييالىق مايلىقتار قولدانۋ;
• اۋرۋ ادامدارمەن بايلانىس ورناتپاۋ جەنە ولاردى وقشاۋلاۋ;
• تۇماۋ مەن جرۆي بەلگٸلەرٸ پايدا بولعان كەزدە بالالاردى ٷيدە قالدىرىپ, ۇيىمداسقان ۇجىمدارعا جٸبەرمەۋ;
• اۋرۋ بەلگٸلەرٸ پايدا بولعان جاعدايدا ۋاقىتىلى مەديتسينالىق كٶمەككە جٷگٸنۋ.
دەنساۋلىق ساقتاۋ مينيسترلٸگٸ ازاماتتاردى وسى ەرەجەلەردٸ ساقتاۋعا شاقىرىپ, جۇقپالى اۋرۋلاردىڭ الدىن الۋ قاجەتتٸگٸن ەسكەرتەدٸ.
