Buryn Májilis pen Senat depýtaty bolǵan Gennadii Shipovskih «Qazaqstan temir joly» ulttyq kompaniiasynda jumysyn bastaǵanyn habarlady, dep habarlaidy dalanews.kz.
Bul týraly ol áleýmettik jelidegi paraqshasynda málimdep, eńbek jolyn temirjol salasynda bastaǵanyn eske saldy. Onyń aitýynsha, birneshe jyldan keiin burynǵy ujymyna qaita oralý múmkindigi týǵan.
«Eńbek jolym temirjol salasynda bastalǵan edi. Endi araǵa jyldar salyp, qaitadan osy úlken ujymnyń quramyna qosyldym. Aldaǵy ýaqytta «Qazaqstan temir joly» ulttyq kompaniiasynyń múddesin qorǵap, jańa mindetterdi atqarýǵa kirisemin», – dep jazdy Shipovskih.
Alaida ol naqty qandai laýazymǵa taǵaiyndalǵanyn jariialamady. Burynǵy depýtat tek jańa qyzmettegi jumysyna kiriskenin atap ótti.
