ShQO-da 12 asa qaýipti aýrýǵa qarsy aýqymdy veterinarlyq-aldyn alý sharalary júrgiziledi. Jalpy kólemi 4,7 million dozaǵa jýyq vaktsinatsiialaý josparlanǵan. Bul týraly ShQO Veterinariia basqarmasy basshysynyń orynbasary Ertai Batholdin Óńirlik kommýnikatsiialar qyzmeti alańynda málimdedi,– dep habarlaidy Dalanews.kz
Basqarmanyń málimetinshe, búgingi tańda oblysqa 2,2 million doza biopreparat jetkizilgen, bul jalpy kólemniń 46%-yn quraidy. Óńirde aldyn alý maqsatynda jalpy sany 539 myńnan astam veterinariialyq is-sharalar atqaryldy. Atap aitqanda, iri qara malǵa sibir jarasy, aýsyl jáne basqa da juqpaly aýrýlarǵa qarsy ekpeler egildi. Sonymen qatar, itter arasynda qutyrma, al jyrtqysh janýarlar arasynda ehinokokkoz aýrýynyń aldyn alý jumystary júrgizilýde.
— Veterinariialyq qyzmettiń kúsheiýi — azyq-túlik qaýipsizdiginiń negizi. Janýarlardyń densaýlyǵy et, sút jáne basqa da ónimderdiń sapasyna tikelei áser etedi, — dep atap ótti Ertai Batholdin.
Óńirde 11 kommýnaldyq memlekettik kásiporyn jumys isteidi, olar 99 veterinarlyq pýnktti biriktiredi. Bul pýnktterde 475 maman eńbek etýde. Aǵymdaǵy jyldyń birinshi toqsanynda olar 60 myńnan astam memlekettik qyzmet kórsetti. Barlyq qujat ainalymy «EASÝ», «ISJ» aqparattyq júieleri men «VET-MOBILE» mobildik qosymshasy arqyly elektrondyq formatta júzege asyrylady.
Budan bólek, óńirde aýyl sharýashylyǵy janýarlaryn sáikestendirý jumystary jalǵasýda. Búgingi tańda jyldyq jospardyń 20,8%-y oryndalyp, 100 myńnan astam janýar tirkeýden ótti. Bul sharalar mal basyn jáne barlyq veterinarlyq rásimderdi tiimdi baqylaýǵa múmkindik beredi.
