Aımaq basshysy bankte kem degende 1000 doza bolýy kerektigin atap ótti.
– Biz qazan aıyndaǵy koronavırýstyń ekinshi tolqynyna daıyn bolýymyz qajet. Qazirden bastap plazma bankin qurý úshin tıisti jumystar atqarylýy tıis. Shyǵys Qazaqstanda 4 409 adam koronavırýs ınfeksıasymen aýyryp, jazylyp shyqty. Olardyń qan plazmasy arqyly ózge naýqastardyń aýrýdan saýyǵyp ketýine kómektese alamyz, – dedi Danıal Ahmetov.
Onyń aıtýynsha, plazma bankin qurýǵa jedel túrde kirisý kerek. Búginde medısınalyq mekemelerdegi bas dárigerler men ákimderdiń negizgi mindeti – halyqqa qan plazmasyn tapsyrýdyń mańyzyn túsindirý.
Aıta keteıik, SHQO-daǵy medısınalyq mekemeler úzdik tehnıkalyq jabdyqtarmen qamtamasyz etilgen. 27 aýrýhana, onyń basym bóligi aýdandyq aýrýhanalaryń árqaısysynda ortasha eseppen 5 konsentrator bar.
– Shyǵysqazaqstandyq dárigerlerge COVID-19 ınfeksıasymen kúresýdegi tájirıbelerimen bólisken Tatarstan Respýblıkasynyń medısına qyzmetkerleri óńirdegi stasıonarlardyń medısınalyq preparattarmen jabdyqtalýyna oń baǵa berdi, – delingen habarlamada.
Danıal Ahmetov oblystyń maýsymdyq aýrýlarǵa daıyn ekenin atap ótti. Máselen, tumaýǵa qarsy vaksına egý jumystaryna daıyndyq júrgizilýde. Medısınalyq mekemelerge 20 000 vaksına jetkizý josparlanýda. Vaksına muqtaj jandarǵa tegin salynady.
