Búgin Shyǵys Qazaqstan oblysyndaǵy Kásipodaq uiymynyń jetekshileri men jumysshylary, qozǵalys belsendileri, ózderiniń ýaqyttary men kúsh-jigerin eńbek adamy quqyqtarynyń saqtalýy jolynda jumsap júrgen qairatkerler marapattaldy, dep habarlaidy Dalanews.kz Altainews.kz saityna silteme jasap.
Zaman ózgergenimen, kásipodaq uiymdarynyń jumysy, qundylyǵy ózgermedi. Búginde Qazaqstan kásipodaqtary sapaly jańarý kezeńine aiaq basty. Basty basymdyq – eńbek adamy, onyń quqyqtary men zańdy múddelerin qorǵaý, sapaly, qaýipsiz eńbek jaǵdaiyn jasaý, jalaqyny kóterý, áleýmettik qamsyzdandyrýǵa baǵyttalǵan.
10 qazan – Kásipodaqtar kúnine orai, kásipodaq uiymynyń jumysyna belsendilikpen qatysyp, aianbai eńbek etken qyzmetkerler ShQO ákiminiń qurmet gramotasymen, ShQO ákimi orynbasarynyń alǵys hatymen, QR Kásipodaq federatsiiasy tóraǵasynyń qurmet gramotasy jáne alǵys hatymen, sondai-aq, «Kásipodaq uiymynyń ardageri» medalimen maparattaldy.
Shyǵys Qazaqstan oblysy ákiminiń birinshi orynbasary Nurymbet Saqtaǵanov quttyqtaý sóz sóiledi. Ol kásipodaq qozǵalysynyń mańyzdylyǵyn atap ótip, barlyq belsendilerge óńirdiń damýyna qosqan úlesteri úshin alǵysyn bildirdi. Sonymen qatar, ShQO ákimi Ermek Kósherbaevtyń atynan oblystyń jáne kásipodaq qyzmetiniń damýyna eleýli úles qosqan azamattarǵa alǵys hattar tabystady.
– Biz jyl saiyn Kásipodaqtar uiymy kúnine orai saltanatty jiyn ótkizemiz. Bul saltanatty sharanyń basty maqsaty – aimaqtaǵy kásipodaq qozǵalysyna úles qosyp otyrǵan ardagerlerimizdi, bastaýysh uiymdaryndaǵy belsendi kásipodaq múshelerin marapattap, madaqtaý bolyp tabylady, – dedi «ShQO Kásipodaqtar ortalyǵy» AKB tóraǵasy Temirbek Qasymjanov.
Kásipodaq uiymy jumys berýshi men jumysshynyń arasyndaǵy altyn kópir. Qazirgi kásipodaqtardyń qozǵalystary eńbekkerlerdiń jumys ornyndaǵy quqyqtary men eńbek qaýipsizdiginiń saqtalýyn, laiyqty eńbekaqy men áleýmettik kepildikter alýyn qamtamasyz etedi.
– Kásipodaq – bul eńbekshilerdiń quqyǵy men múddesin qorǵaityn jalǵyz, dara qoǵamdyq birlestik. ShQO boiynsha 14 salalyq kásipodaq uiymy bar. Biz barlyq uiymdardyń múddesin qorǵaý úshin birlese jumys istep júrmiz. Eńbekshilerge «biz qujatqa baǵynbaimyz, tólei almaimyz» degenderin sotqa berip, sot arqyly jeńip jatqan da jaǵdailar bar. Mysaly, byltyr 17 sot protsesi boldy. Onyń barlyǵynda kásipodaq uiymy, bizdiń eńbekshilerimiz jeńiske jetti. Meniń oiymsha, kásipodaq óziniń búgingi rólin arttyryp keledi jáne eńbekshilerdiń senimine ie bolýda, – dedi «Qazaqstandyq salalyq mádeniet, sport, týrizm jáne aqparat qyzmetkerleriniń kásipodaǵy» QB ShQO filialynyń tóraǵasy Túsiphan Túsipbekov.
