بٷگٸن شىعىس قازاقستان وبلىسىنداعى كەسٸپوداق ۇيىمىنىڭ جەتەكشٸلەرٸ مەن جۇمىسشىلارى, قوزعالىس بەلسەندٸلەرٸ, ٶزدەرٸنٸڭ ۋاقىتتارى مەن كٷش-جٸگەرٸن ەڭبەك ادامى قۇقىقتارىنىڭ ساقتالۋى جولىندا جۇمساپ جٷرگەن قايراتكەرلەر ماراپاتتالدى, دەپ حابارلايدى Dalanews.kz Altainews.kz سايتىنا سٸلتەمە جاساپ.
زامان ٶزگەرگەنٸمەن, كەسٸپوداق ۇيىمدارىنىڭ جۇمىسى, قۇندىلىعى ٶزگەرمەدٸ. بٷگٸندە قازاقستان كەسٸپوداقتارى ساپالى جاڭارۋ كەزەڭٸنە اياق باستى. باستى باسىمدىق – ەڭبەك ادامى, ونىڭ قۇقىقتارى مەن زاڭدى مٷددەلەرٸن قورعاۋ, ساپالى, قاۋٸپسٸز ەڭبەك جاعدايىن جاساۋ, جالاقىنى كٶتەرۋ, ەلەۋمەتتٸك قامسىزداندىرۋعا باعىتتالعان.
10 قازان – كەسٸپوداقتار كٷنٸنە وراي, كەسٸپوداق ۇيىمىنىڭ جۇمىسىنا بەلسەندٸلٸكپەن قاتىسىپ, ايانباي ەڭبەك ەتكەن قىزمەتكەرلەر شقو ەكٸمٸنٸڭ قۇرمەت گراموتاسىمەن, شقو ەكٸمٸ ورىنباسارىنىڭ العىس حاتىمەن, قر كەسٸپوداق فەدەراتسيياسى تٶراعاسىنىڭ قۇرمەت گراموتاسى جەنە العىس حاتىمەن, سونداي-اق, «كەسٸپوداق ۇيىمىنىڭ ارداگەرٸ» مەدالٸمەن ماپاراتتالدى.
شىعىس قازاقستان وبلىسى ەكٸمٸنٸڭ بٸرٸنشٸ ورىنباسارى نۇرىمبەت ساقتاعانوۆ قۇتتىقتاۋ سٶز سٶيلەدٸ. ول كەسٸپوداق قوزعالىسىنىڭ ماڭىزدىلىعىن اتاپ ٶتٸپ, بارلىق بەلسەندٸلەرگە ٶڭٸردٸڭ دامۋىنا قوسقان ٷلەستەرٸ ٷشٸن العىسىن بٸلدٸردٸ. سونىمەن قاتار, شقو ەكٸمٸ ەرمەك كٶشەرباەۆتىڭ اتىنان وبلىستىڭ جەنە كەسٸپوداق قىزمەتٸنٸڭ دامۋىنا ەلەۋلٸ ٷلەس قوسقان ازاماتتارعا العىس حاتتار تابىستادى.
– بٸز جىل سايىن كەسٸپوداقتار ۇيىمى كٷنٸنە وراي سالتاناتتى جيىن ٶتكٸزەمٸز. بۇل سالتاناتتى شارانىڭ باستى ماقساتى – ايماقتاعى كەسٸپوداق قوزعالىسىنا ٷلەس قوسىپ وتىرعان ارداگەرلەرٸمٸزدٸ, باستاۋىش ۇيىمدارىنداعى بەلسەندٸ كەسٸپوداق مٷشەلەرٸن ماراپاتتاپ, ماداقتاۋ بولىپ تابىلادى, – دەدٸ «شقو كەسٸپوداقتار ورتالىعى» اكب تٶراعاسى تەمٸربەك قاسىمجانوۆ.
كەسٸپوداق ۇيىمى جۇمىس بەرۋشٸ مەن جۇمىسشىنىڭ اراسىنداعى التىن كٶپٸر. قازٸرگٸ كەسٸپوداقتاردىڭ قوزعالىستارى ەڭبەككەرلەردٸڭ جۇمىس ورنىنداعى قۇقىقتارى مەن ەڭبەك قاۋٸپسٸزدٸگٸنٸڭ ساقتالۋىن, لايىقتى ەڭبەكاقى مەن ەلەۋمەتتٸك كەپٸلدٸكتەر الۋىن قامتاماسىز ەتەدٸ.
– كەسٸپوداق – بۇل ەڭبەكشٸلەردٸڭ قۇقىعى مەن مٷددەسٸن قورعايتىن جالعىز, دارا قوعامدىق بٸرلەستٸك. شقو بويىنشا 14 سالالىق كەسٸپوداق ۇيىمى بار. بٸز بارلىق ۇيىمداردىڭ مٷددەسٸن قورعاۋ ٷشٸن بٸرلەسە جۇمىس ٸستەپ جٷرمٸز. ەڭبەكشٸلەرگە «بٸز قۇجاتقا باعىنبايمىز, تٶلەي المايمىز» دەگەندەرٸن سوتقا بەرٸپ, سوت ارقىلى جەڭٸپ جاتقان دا جاعدايلار بار. مىسالى, بىلتىر 17 سوت پروتسەسٸ بولدى. ونىڭ بارلىعىندا كەسٸپوداق ۇيىمى, بٸزدٸڭ ەڭبەكشٸلەرٸمٸز جەڭٸسكە جەتتٸ. مەنٸڭ ويىمشا, كەسٸپوداق ٶزٸنٸڭ بٷگٸنگٸ رٶلٸن ارتتىرىپ كەلەدٸ جەنە ەڭبەكشٸلەردٸڭ سەنٸمٸنە يە بولۋدا, – دەدٸ «قازاقستاندىق سالالىق مەدەنيەت, سپورت, تۋريزم جەنە اقپارات قىزمەتكەرلەرٸنٸڭ كەسٸپوداعى» قب شقو فيليالىنىڭ تٶراعاسى تٷسٸپحان تٷسٸپبەكوۆ.
