Qashyqtyǵy 60 shaqyrym bolatyn «Kúrshim-Qaljyr» oblystyq avtojolynyń ýchaskesinde eki aýysymda 24 tehnika jumys istep, avtokóliktiń erkin júrýine jol ashty.
Kúrshim aýdanynyń Marqakól aýyldyq okrýgindegi qar jamylǵysynyń qalyńdyǵy keibir jerlerde úsh metrge jetedi. Qańtar aiynyń basynda keibir eldimekender qar qursaýynda qalǵan bolatyn.
Jolaýshylar kóligi jáne avtomobil joldary basqarmasynyń basshysy Nurjan Jumadilovtiń aitýynsha, qazirgi ýaqytta «Marqakól - Urynqai – Tósqaiyń» tasjolynyń ýchaskesi de tazartylyp, Shaǵanatty aýylyna aparatyn joldy qardan tazartý jumystar aiaqtalyp qaldy.
Al Balyqty Bulaqqa aparatyn joldy tazartý jumystary bastaldy. Jergilikti atqarýshy organdarǵa kómek kórsetýge TJD, JK jáne AJ basqarmalary, OblShyǵysJol kásiporyndarygyń tehnikalary jiberilgen.
Budan basqa, jańbyrdan keiin qar massasy muzǵa ainalyp, tazartý jumystaryn qiyndatqan. Alaida, oǵan qaramastan, jumystar toqtatýsyz júrip jatyr.
ShQO ákimi Ermek Kósherbaevtyń tapsyrmasy boiynsha onyń birinshi orynbasary Nurymbet Saqtaǵanovtyń basshylyǵymen arnaiy mobildik top qar tazalaý tehnikasyn qaida jiberý kerektigin túsiný úshin óńirdegi neǵurlym kúrdeli jaǵdai qalyptasqan qarly aýmaqtardy aralap ushyp shyqty.
