قاشىقتىعى 60 شاقىرىم بولاتىن «كٷرشٸم-قالجىر» وبلىستىق اۆتوجولىنىڭ ۋچاسكەسٸندە ەكٸ اۋىسىمدا 24 تەحنيكا جۇمىس ٸستەپ, اۆتوكٶلٸكتٸڭ ەركٸن جٷرۋٸنە جول اشتى.
كٷرشٸم اۋدانىنىڭ مارقاكٶل اۋىلدىق وكرۋگٸندەگٸ قار جامىلعىسىنىڭ قالىڭدىعى كەيبٸر جەرلەردە ٷش مەترگە جەتەدٸ. قاڭتار ايىنىڭ باسىندا كەيبٸر ەلدٸمەكەندەر قار قۇرساۋىندا قالعان بولاتىن.
جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى نۇرجان جۇمادٸلوۆتٸڭ ايتۋىنشا, قازٸرگٸ ۋاقىتتا «مارقاكٶل - ۇرىنقاي – تٶسقايىڭ» تاسجولىنىڭ ۋچاسكەسٸ دە تازارتىلىپ, شاعاناتتى اۋىلىنا اپاراتىن جولدى قاردان تازارتۋ جۇمىستار اياقتالىپ قالدى.
ال بالىقتى بۇلاققا اپاراتىن جولدى تازارتۋ جۇمىستارى باستالدى. جەرگٸلٸكتٸ اتقارۋشى ورگاندارعا كٶمەك كٶرسەتۋگە تجد, جك جەنە اج باسقارمالارى, وبلشىعىسجول كەسٸپورىندارىگىڭ تەحنيكالارى جٸبەرٸلگەن.
بۇدان باسقا, جاڭبىردان كەيٸن قار ماسساسى مۇزعا اينالىپ, تازارتۋ جۇمىستارىن قيىنداتقان. الايدا, وعان قاراماستان, جۇمىستار توقتاتۋسىز جٷرٸپ جاتىر.
شقو ەكٸمٸ ەرمەك كٶشەرباەۆتىڭ تاپسىرماسى بويىنشا ونىڭ بٸرٸنشٸ ورىنباسارى نۇرىمبەت ساقتاعانوۆتىڭ باسشىلىعىمەن ارنايى موبيلدٸك توپ قار تازالاۋ تەحنيكاسىن قايدا جٸبەرۋ كەرەكتٸگٸن تٷسٸنۋ ٷشٸن ٶڭٸردەگٸ نەعۇرلىم كٷردەلٸ جاعداي قالىپتاسقان قارلى اۋماقتاردى ارالاپ ۇشىپ شىقتى.
