ShQO Ekologiia departamenti 2025 jyldyń birinshi jartyjyldyǵyndaǵy jumys qorytyndysyn jariialady. Tekserýler shaǵyn biznes sýbektilerinen bastap iri ónerkásiptik kásiporyndarǵa deiingi deńgeidegi nysandardy qamtydy. Bul týraly ShQO boiynsha Ekologiia departamenti basshysynyń m.a. Aset Sýleimenov Óńirlik kommýnikatsiialar qyzmetinde ótken brifingte málimdedi,- dep habarlaidy Dalanews.kz
– Barlyǵy 33 tekserý júrgizilip, 86 zańbuzýshylyq anyqtaldy, sonsha nusqama berildi. Salynǵan aiyppuldardyń jalpy somasy 1,73 mlrd teńgeni qurady, – dedi Aset Sýleimenov.
Iri aiyppuldar óńirdiń ónerkásiptik kásiporyndaryna salyndy:
• «SinSin» JShS – 1,066 mlrd tg;
• «Kaztsink» JShS – 1,7 mlrd tg-dan astam jáne qosymsha 60,9 mln tg aiyppul (tolyǵymen tólengen);
• «TMK» AQ – 24 mln tg;
• «Óskemen JEO» JShS – shamamen 26,9 mln tg.
Departamenttiń málimetinshe, kásiporyndar tabiǵatty qorǵaý sharalaryna investitsiia salýdy jalǵastyrýda. Ásirese, ekologiiaǵa bólingen qarjy keide josparlanǵan mólsherden asyp túsedi.
Airyqsha nazar aýa sapasyn baqylaýǵa aýdarylýda. Oblys ortalyǵynda qolaisyz meteorologiialyq jaǵdailar 63 kún boiy tirkeldi. Baqylaýdy kúsheitý úshin qazan aiyna deiin óńirge jyljymaly ekologiialyq zerthana jetkizilmek. Budan bólek, ákimdik 15 baqylaý beketin jáne bir fondyq stantsiia satyp alýda.
Ekologiialyq mádeniet te mańyzdy baǵyt bolyp qala bermek. Respýblikalyq «Taza Qazaqstan» aktsiiasy aiasynda ShQO-da 33 myńnan astam adam qatysqan jappai senbilikter ótti. Nátijesinde 1020 tonnadan astam qoqys jinaldy. Sondai-aq 46,7 myńǵa jýyq aǵash otyrǵyzyldy, bul jyldyq jospardyń 40%-yn quraidy.
Sonymen qatar óńir mektepteriniń oqýshylary tabiǵatty qorǵaý taqyrybyndaǵy shyǵarmalar baiqaýyna belsene qatysty. Baiqaýǵa 48 myńnan astam oqýshy óz jumystaryn usyndy.
