Ótken jyly oblys aýmaǵynda 314 dini birlestikter men olardyń filialdary: islam, pravoslavie, katolitsizm, protestantizm, "Iegova kýágerleri" qaýymdastyǵy, Krishna jáne iýdei prihodtary dini qyzmetin júzege asyrdy. Missionerler sany 6 adamdy qurady.
– Shyǵys Qazaqstan oblysynyń ákimdigi dini birlestiktermen ózara is-qimyldy turaqty negizde júzege asyrady. Oblys ákimdiginiń, sondai-aq, qalalar men aýdandar ákimdikteriniń janynda dini birlestiktermen bailanys jónindegi keńester jumys isteidi. Olar memlekettik organdardyń túrli konfessiialarmen ózara is-qimyly úshin dialog alańy bolyp tabylady. Sonymen qatar, oblystyń dini birlestikter basshylary klýby jumys isteidi. Konfessiiaaralyq kelisimdi nyǵaitý úshin dini merekelerdiń áleýeti paidalanylady, – dedi Asqar Isabaev.
Sonymen qatar, dini birlestiktermen birlesip qaiyrymdylyq aktsiialary, ekologiialyq senbilikter, sporttyq jarystar ótkiziledi. Ár túrli konfessiialardyń ókilderi bir-birine kelip, qarym-qatynas jasap, dini birlestiktiń tarihymen, mádenietimen jáne qyzmetimen tanysady. Soǵan qosa, ashyq esik kúnderin ótkizý siiaqty kreativti forma qoldanylady.
– 2020 jyly Shyǵys Qazaqstandaǵy dini ahýaldy jáne aqparattyq-túsindirý toptary qyzmetiniń tiimdiligin baǵalaý boiynsha júrgizilgen áleýmettik zertteýlerdiń nátijeleri din salasyndaǵy memlekettik saiasatty qoldaýshylardyń úlesi 87,1%-dy quraǵanyn kórsetip otyr, – dep atap ótti spiker.
Sondai-aq, basqarmanyń málimetine sáikes, óńirdegi dini ahýaldy qolaily dep baǵalaýshylardyń úlesi 88,2%-dy quraǵanyn aita ketken jón.
