Aldaǵy ýaqytta oblysta barlyǵy 96 aýqymdy aksıa, konsertter, chellendjder jáne oqý oryndarynda túrli is-sharalar ótedi.
2016 jyldan bastap jyl saıyn 1 naýryzda Qazaqstan halqy Alǵys aıtý kúnin resmı túrde atap ótedi.
– Bul kúndi atap ótýde qaıyrymdylyq aksıalaryna erekshe ról berilgen. Oblysta bul sharalar "Qamqorlyq", "Zabota", "Qarttardy ardaqtaıyq!", "Alǵys aıtý-paryzym" urandarymen ótedi. İs-sharalardy jarıalaý kezinde oblystyń damýyna úles qosqan, túrli salalar men kásipterde jumys isteıtin, azamattyq jáne eńbek erlikterin (dárigerler, muǵalimder, polıseıler, órt sóndirýshiler, eriktiler jáne t.b.) jasaǵan qazaqstandyqtardyń beınesin halyqqa tanystyrýǵa erekshe nazar aýdarylady.
22 aqpannan bastap áleýmettik jelilerde "Alǵysymyz sheksiz" jáne "Bizdiń Aramyzdaǵy batyrlar" chellendjderi iske qosyldy. Merekeni osyndaı formatta ótkizý qazaqstandyqtardy eńbek qundylyqtary, ózara kómek, azamattyq jaýapkershilik negizinde shoǵyrlandyrýǵa múmkindik beredi, bul júıeli sharalardy is júzinde iske asyrýdyń jaǵymdy túrine aınalady, – dep atap ótti Janat Mekeeva hanym.
Alǵys aıtý kúnin merekeleý kóktemniń bastalýymen, tabıǵattyń oıaný ýaqytymen, jańa josparlarmen sáıkes keletinin atap ótken jón .
– 1 naýryz – Qazaqstan halqy Assambleıasynyń – eldegi qoǵamdyq kelisim men jalpyulttyq birlikti saqtaýǵa baǵyttalǵan qoǵamdyq ınstıtýttyń qurylǵan kúni. Qurmetti oblys turǵyndary, sizderdi barlyq is-sharalardyń belsendi qatysýshylary bolýǵa, jaqyn adamdaryńyzǵa shyn júrekten alǵys sózderin aıtýǵa jáne kóktemdi jaqsy kóńil-kúımen qarsy alýǵa shaqyramyn, – dep qosty Qoǵamdyq damý basqarmasynyń basshysy.
https://dalanews.kz/news/86761-zangsyz-altyn-ongdeu-cekhy-anyqtaldy
