الداعى ۋاقىتتا وبلىستا بارلىعى 96 اۋقىمدى اكسيا، كونسەرتتەر، چەللەندجدەر جانە وقۋ ورىندارىندا ءتۇرلى ءىس-شارالار وتەدى.
2016 جىلدان باستاپ جىل سايىن 1 ناۋرىزدا قازاقستان حالقى العىس ايتۋ كۇنىن رەسمي تۇردە اتاپ وتەدى.
– بۇل كۇندى اتاپ وتۋدە قايىرىمدىلىق اكسيالارىنا ەرەكشە ءرول بەرىلگەن. وبلىستا بۇل شارالار "قامقورلىق"، "زابوتا"، "قارتتاردى ارداقتايىق!"، "العىس ايتۋ-پارىزىم" ۇراندارىمەن وتەدى. ءىس-شارالاردى جاريالاۋ كەزىندە وبلىستىڭ دامۋىنا ۇلەس قوسقان، ءتۇرلى سالالار مەن كاسىپتەردە جۇمىس ىستەيتىن، ازاماتتىق جانە ەڭبەك ەرلىكتەرىن (دارىگەرلەر، مۇعالىمدەر، پوليسەيلەر، ءورت سوندىرۋشىلەر، ەرىكتىلەر جانە ت.ب.) جاساعان قازاقستاندىقتاردىڭ بەينەسىن حالىققا تانىستىرۋعا ەرەكشە نازار اۋدارىلادى.
22 اقپاننان باستاپ الەۋمەتتىك جەلىلەردە "العىسىمىز شەكسىز" جانە "ءبىزدىڭ ارامىزداعى باتىرلار" چەللەندجدەرى ىسكە قوسىلدى. مەرەكەنى وسىنداي فورماتتا وتكىزۋ قازاقستاندىقتاردى ەڭبەك قۇندىلىقتارى، ءوزارا كومەك، ازاماتتىق جاۋاپكەرشىلىك نەگىزىندە شوعىرلاندىرۋعا مۇمكىندىك بەرەدى، بۇل جۇيەلى شارالاردى ءىس جۇزىندە ىسكە اسىرۋدىڭ جاعىمدى تۇرىنە اينالادى، – دەپ اتاپ ءوتتى جانات مەكەيەۆا حانىم.
العىس ايتۋ كۇنىن مەرەكەلەۋ كوكتەمنىڭ باستالۋىمەن، تابيعاتتىڭ ويانۋ ۋاقىتىمەن، جاڭا جوسپارلارمەن سايكەس كەلەتىنىن اتاپ وتكەن ءجون .
– 1 ناۋرىز – قازاقستان حالقى اسسامبلەياسىنىڭ – ەلدەگى قوعامدىق كەلىسىم مەن جالپىۇلتتىق بىرلىكتى ساقتاۋعا باعىتتالعان قوعامدىق ينستيتۋتتىڭ قۇرىلعان كۇنى. قۇرمەتتى وبلىس تۇرعىندارى، سىزدەردى بارلىق ءىس-شارالاردىڭ بەلسەندى قاتىسۋشىلارى بولۋعا، جاقىن ادامدارىڭىزعا شىن جۇرەكتەن العىس سوزدەرىن ايتۋعا جانە كوكتەمدى جاقسى كوڭىل-كۇيمەن قارسى الۋعا شاقىرامىن، – دەپ قوستى قوعامدىق دامۋ باسقارماسىنىڭ باسشىسى.
https://dalanews.kz/news/86761-zangsyz-altyn-ongdeu-cekhy-anyqtaldy
