ShQO-da 163 eldi mekenniń bas jospary qalyptasady
Búginde ShQO-da 363 eldi meken bar. Sonyń 171-niń bas josparlary, damý jáne qurylys shemalary bar bolsa, al 192 aýyldyq eldi meken boiynsha qala qurylysy qujattamasy joq ekeni baspasóz maslihatynda belgili boldy.
Bul óz kezeginde jer qatynastary, sáýlet jáne qala qurylysy salasynda memlekettik qyzmetter kórsetý, eldi mekenniń topografiialyq kezekshi josparyn júrgizý kezinde problemalar týǵyzatynyn basqarma basshysy alǵa tartty.
– 2022 jylǵy 24 aqpanda oblys ákimdiginiń qaýlysymen oblys eldi mekenderdiń bas josparlaryn, damý jáne qurylys syzbalaryn, ázirleý jáne túzetý jónindegi jol kartasy qabyldandy, oǵan sáikes oblys ákimdiginiń 2023 jylǵy 21 aqpandaǵy qaýlysyna sáikes ózgeristermen 2025 jylǵa deiin 163 perspektivaly jáne mańyzdy eldi mekenderdiń bas josparlaryn damytý jáne túzetý, syzbalaryn ázirleý josparlanǵan, – dedi Nadejda Miheilis.
2023 jyly bekitilgen Jol kartasyna sáikes eldi mekenderdiń 46 bas josparyn ázirleý mindeti tur.
Oblys boiynsha Óskemen jáne Zaisan qalalarynda jańartylǵan bas jospary bar, al Ridder, Altai, Serebriansk, Shemonaiha boiynsha túzetýler qajet etetinin brifingte spiker aityp ótti.
«Memlekettik qyzmetter kórsetýdiń jańa tártibi men qala qurylysy jobalaryn ázirleý, túzetý oblys qalalarynyń retsiz, núkteli jáne tyǵyz qurylystaryna jol bermeýdi qamtamasyz etedi» dedi ShQO jer qatynastary basqarmasynyń basshysy Nadejda Miheilis.
