Shyǵys Qazaqstan oblysynyń ákimi Altai aýdanyna jumys sapary barysynda Polianskoe aýylynda 1075 basqa arnalǵan sút-taýarly fermanyń saltanatty ashylý rásimine qatysty, dep habarlaidy Dalanews.kz.
Jańa óndiristik nysan «Moiyldy-Baiqońyr» JShS júzege asyryp otyrǵan aýqymdy investitsiialyq joba aiasynda salyndy. Kásiporyn aýyl sharýashylyǵy salasynda 21 jyldan beri turaqty jumys istep keledi.
Jobanyń jalpy investitsiia kólemi 10,151 mlrd teńgeni quraidy. Onyń ishinde 5,4 mlrd teńgeden astamy kásiporynnyń óz qarajaty esebinen baǵyttalǵan. Qurylys jumystary ótken jyldyń sáýir aiynda bastalyp, 2025 jyldyń qarasha aiynda tolyq aiaqtaldy.
Jobanyń bas merdigeri – «ShyǵysAgroHolding» JShS. Qazirgi ýaqytta nysan zamanaýi tehnologiialarmen jabdyqtalyp, qajetti tehnika tolyq satyp alynǵan. Sonymen qatar, jemshóp bazasyn damytý baǵytynda júieli jumystar júrgizilýde.
Aldaǵy ýaqytta ferma joǵary ónimdi qural-jabdyqtarmen tolyq qamtamasyz etilip, golshtin tuqymyndaǵy asyl tuqymdy iri qara mal ákelý josparlanyp otyr.
Joba tolyq iske qosylǵannan keiin kásiporynda jylyna 6 myń tonnaǵa deiin sút óndirý kózdelgen. Qazirgi tańda kompaniiada 82 adam turaqty jumyspen qamtylǵan. Aita keteiik, joba «Ertis» áleýmettik-kásipkerlik korporatsiiasynyń qoldaýymen júzege asyrylýda.
Jańa ferma óńirdiń agroónerkásiptik áleýetin arttyryp, sút ónimderimen ishki naryqty qamtamasyz etýge oń yqpal etpek. Sondai-aq joba aýyldyq jerlerde óndiristi damytýǵa jáne áleýmettik-ekonomikalyq turaqtylyqty nyǵaitýǵa baǵyttalǵan.
