Búgin Shyǵys Qazaqstan oblysynyń ákimi Nurymbet Saqtaǵanov jedel shtab quramyna kiretin tiisti mekemelerdiń ókilderimen birge sý tasqyny qaýpi joǵary aimaqtardy monitoringten ótkizdi, – dep habarlaidy Dalanews.kz ShQO ákiminiń baspasóz qyzmetine silteme jasap.
– Kún raiynyń kúrt qubylyp, kúndizgi jáne túngi temperatýralardyń aýytqýy jaǵdaiynda jaǵdaidy, ásirese ózenderge qatysty ahýaldy saǵat saiyn baqylaý qajet. Qalyptasqan jaǵdaida naqty boljamdar men tolyq daiyndyq qajet, – dep atap ótti óńir basshysy.
Marqakól aýylynda júrgizilgen sý tasqynyna qarsy sharalar – Qaljyr ózeniniń arnasyn tazartý jáne túzeý, sý ótkizý qubyrlaryn ornatý jáne shliýz salý arqyly Qaljyr men Marqakól aýyldaryn sý basý qaýpi barynsha tómendetildi. Barlyǵy 72 sý ótkizý qurylysy, 6 kópir, sondai-aq aryqtar men kanaldar tazartyldy. Búgingi monitoring nátijesinde Qara Ertis pen Qaljyr ózenderinde úsh jerde muz keptelisiniń aldyn alý úshin profilaktikalyq jarylys jumystary júrgiziletini belgili boldy.
Samar aýdanyndaǵy Orta-Terekti, Laily jáne Tómengi Taiynty bógetteri shtattyq rejimde jumys isteýde. Qazirgi kezde óńirdegi barlyq gidrotehnikalyq nysandar muz qursaýynda bolǵanymen, kei jerlerde muz jaryla bastaǵan. Sondyqtan bul nysandardy saǵat saiyn baqylaýda ustaý qajet.
Tarbaǵatai aýdanynda alty eldi mekenniń birinde – Tuǵyl aýylynda sý tasqyny qaýpi tolyq joiyldy. Al Jańaýyl, Saryóleń, Qarasýkól, Jetiaral jáne Manyraq aýyldarynda erigen qar sýynan keletin qaýip barynsha azaitylǵan. Terisairyq ózeniniń jaǵalaýy bekitilip, 182 sý ótkizý nysany, 9 kópir jáne 33 shaqyrym sý arnalary qar men muzdan tolyq tazartyldy.
Kúrshim aýdanynda sý tasqyny qaýpi bar tórt aýylda qaýip tolyq joiyldy. Kúrshim – Topterek avtojolyndaǵy kópirge jóndeý júrgizildi. «Úlken» sýdy ótkizýge 441 sý ótkizý nysany daiyn, 19 kópir, sondai-aq ainalma aryqtar men kanaldar tazartyldy. Muzdy jumsartý maqsatynda ózender boiyndaǵy eki núktede profilaktikalyq jarylys jumystary júrgiziledi.
– Oblystyń barlyq aýdanynda kóktemgi tótenshe jaǵdailarǵa qarsy kúshter men tehnikalar toby jasaqtalǵan. Aýdan ákimderine úilesimdi jumys júrgizýdi tapsyrdym. Sý deńgeiin baqylap, gidrotehnikalyq qurylystardyń jaǵdaiyn udaiy tekserip otyrý qajet. Erekshe nazar – jergilikti joldar men kópirlerge, ásirese taýly aimaqtardaǵy ótkelderge aýdarylýy tiis. Óitkeni turǵyndardyń qaýipsizdigi men qozǵalys erkindigin qamtamasyz etý – bizdiń basty mindetimiz, – dedi Nurymbet Saqtaǵanov.
