Shyǵys Qazaqstan oblysy ákimdiginde oblys ákimi men Shyǵys Qazaqstan oblysynyń qalalary men aýdandary ákimderi arasynda qalalar men aýdandar ákimderiniń qyzmetin baǵalaý reıtıńi nátıjeleri boıynsha memorandýmǵa qol qoıyldy,– dep habarlaıdy Dalanews.kz

Bul baǵalaýda KPI kórsetkishteriniń oryndalýyna basty nazar aýdarylatyn bolady.

SHQO ákimi Nurymbet Saqtaǵanovtyń tapsyrmasy boıynsha is-sharalardy sapaly júzege asyrý jáne árbir ákim úshin sandyq nemese paıyzdyq mándegi negizgi tıimdilik kórsetkishterin (KPI, Key Performance Indicators) anyqtaý maqsatynda oblystyq jumys toby óńirdiń qala jáne aýdandaryna issaparmen aralady.

KPI quramyna 2025 jylǵa arnalǵan qalalar men aýdandardyń iri ári mańyzdy jobalary engizildi. Bul jobalar ekonomıkanyń ósýine, jumys oryndarynyń qurylýyna jáne salyq túsimderiniń artýyna eleýli úles qosady.

"Ekonomıka jáne búdjettik josparlaý basqarmasyna qalalar men aýdandar ákimderiniń qyzmetin baǵalaý reıtıńiniń qorytyndysyn shyǵarý mehanızmin ózgertý boıynsha usynys engizý qajet. Bul reıtıńte KPI kórsetkishteriniń oryndalýyna basymdyq berilýi tıis. Ár ákimge 2025 jylǵa arnalǵan salyq túsimderiniń ósýin qamtamasyz etý jáne tórt naqty jobany júzege asyrý boıynsha kórsetkishter belgilengen", – dedi oblys ákimi Nurymbet Saqtaǵanov.

Memorandýmǵa oblys ákimimen qatar, Óskemen, Rıdder, Altaı qalalarynyń, sondaı-aq Altaı, Samar, Úlken Naryn, Marqakól, Glýbokoe, Zaısan, Katonqaraǵaı, Kúrshim, Tarbaǵataı, Ulan, Shemonaıha aýdandarynyń ákimderi qol qoıdy.