Qazaqstan ýkrainalyq "Naftogaz" kompaniiasyna reseilik "Gazpromnan" 1,4 milliard dollar óndirýge ruqsat berdi. Bul týraly "Naftogaz" basshysy Sergei Koretskii málimdedi, dep habarlaidy dalanews.kz.
Aitýynsha, bul — shetel sotynyń sheshimimen Resei kompaniiasynan Ýkrainadan tys jerde qarjy óndirýge múmkindik berilgen alǵashqy jaǵdailardyń biri.
Daý 2022 jyly shyqqan. Sol kezde Ýkraina Lýgansk oblysynyń okkýpatsiialanǵan aýmaǵy arqyly ótetin reseilik gaz tranzitin toqtatqan. Biraq Kiev gazdy Sýmy oblysyndaǵy "Sýdja" stantsiiasy arqyly tasymaldaýdy usynǵan.
Alaida "Gazprom" bul usynysqa kelispei, kelisimshart boiynsha tóleýi tiis tranzit aqysyn tóleýdi toqtatqan. Osydan keiin "Naftogaz" halyqaralyq sotqa júgingen.
Arbitraj soty ýkrainalyq kompaniianyń paidasyna sheshim shyǵardy. Keiin "Gazprom" bul sheshimdi Shveitsariia sottarynda qaita qaratýǵa tyrysqanymen, sot talapty qanaǵattandyrmady.
2026 jyldyń naýryzynda Shveitsariianyń Joǵarǵy soty arbitraj sheshimin tolyq kúshinde qaldyrdy. Endi Qazaqstan aýmaǵyndaǵy "Gazpromnyń" aktivteri arqyly osy qarajatty óndirip alý protsesi bastalýy múmkin.
