قازاقستان ۋكراينالىق "نافتوگاز" كومپانيياسىنا رەسەيلٸك "گازپرومنان" 1,4 ميلليارد دوللار ٶندٸرۋگە رۇقسات بەردٸ. بۇل تۋرالى "نافتوگاز" باسشىسى سەرگەي كورەتسكيي مەلٸمدەدٸ, دەپ حابارلايدى dalanews.kz.
ايتۋىنشا, بۇل — شەتەل سوتىنىڭ شەشٸمٸمەن رەسەي كومپانيياسىنان ۋكراينادان تىس جەردە قارجى ٶندٸرۋگە مٷمكٸندٸك بەرٸلگەن العاشقى جاعدايلاردىڭ بٸرٸ.
داۋ 2022 جىلى شىققان. سول كەزدە ۋكراينا لۋگانسك وبلىسىنىڭ وككۋپاتسييالانعان اۋماعى ارقىلى ٶتەتٸن رەسەيلٸك گاز ترانزيتٸن توقتاتقان. بٸراق كيەۆ گازدى سۋمى وبلىسىنداعى "سۋدجا" ستانتسيياسى ارقىلى تاسىمالداۋدى ۇسىنعان.
الايدا "گازپروم" بۇل ۇسىنىسقا كەلٸسپەي, كەلٸسٸمشارت بويىنشا تٶلەۋٸ تيٸس ترانزيت اقىسىن تٶلەۋدٸ توقتاتقان. وسىدان كەيٸن "نافتوگاز" حالىقارالىق سوتقا جٷگٸنگەن.
اربيتراج سوتى ۋكراينالىق كومپانييانىڭ پايداسىنا شەشٸم شىعاردى. كەيٸن "گازپروم" بۇل شەشٸمدٸ شۆەيتسارييا سوتتارىندا قايتا قاراتۋعا تىرىسقانىمەن, سوت تالاپتى قاناعاتتاندىرمادى.
2026 جىلدىڭ ناۋرىزىندا شۆەيتسارييانىڭ جوعارعى سوتى اربيتراج شەشٸمٸن تولىق كٷشٸندە قالدىردى. ەندٸ قازاقستان اۋماعىنداعى "گازپرومنىڭ" اكتيۆتەرٸ ارقىلى وسى قاراجاتتى ٶندٸرٸپ الۋ پروتسەسٸ باستالۋى مٷمكٸن.
