Almaty da LRT jelisin salýǵa qamdanyp jatyr. Óńirlik kommýnikatsiialar qyzmetinde ótken baspasóz máslihatynda Jolaýshylar kóligi men jol qozǵalysyn uiymdastyrý basqarmasynyń basshysy Erjan Dihanbaev aldaǵy jospardy aitty, dep habarlaidy dalanews.kz.
Baspasóz máslihatynda LRT-nyń alǵashqy jelisiniń qurylysyna daiyndyq barysy aityldy. Jobanyń tehnikalyq-ekonomikalyq negizdemesi aiaqtalyp, memlekettik saraptamadan ótip jatyr. Qorytyndy 2026 jyly shildede shyqpaq.
Uzyndyǵy 18,3 shaqyrym bolatyn alǵashqy LRT jelisi Tóle bi kóshesimen ótip, ári qarai Abylai han dańǵyly arqyly Almaty-2 vokzalyna deiin, sondai-aq, Momyshuly kóshesi arqyly Alataý aýdanyndaǵy Indýstriialyq aimaqqa deiin barady.
"LRT qurylysynyń belsendi kezeńi memlekettik saraptamanyń oń qorytyndysy alynǵannan keiin bastalady. Joba jeliniń ózin ǵana emes, depo qurylysyn da qamtidy. LRT-ny Almatynyń jańa kólik júiesiniń negizgi elementiniń biri retinde qarastyramyz", — dedi Erjan Dihanbaev.
