Memleket jáne qoǵam qairatkeri, Qazaqstan Ulttyq ǵylym akademiiasynyń akademigi Myrzatai Joldasbekov elordanyń alǵashqy qalyptasý jyldary týraly estelikterin bólisti, dep habarlaidy dalanews.kz.
Ǵalymnyń aitýynsha, ol 2000 jyly arnaiy shaqyrtýmen Astanaǵa kóship kelgen. Sol ýaqyttan beri qala ómirindegi úlken ózgeristerge, elordanyń kezeń-kezeńimen damyp, jańa kelbetke ie bolǵanyna kýá bolyp keledi.
Myrzatai Joldasbekov bul týraly Astana qalasy ákimdiginiń "Rýhaniiat" kommýnaldyq memlekettik mekemesine bergen suhbatynda aitty. Suhbat barysynda akademik elordanyń qalyptasý kezeńindegi jumys qarqynyna toqtalyp, Nursultan Nazarbaevtyń Astanany damytý baǵytyndaǵy eńbegi týraly da pikir bildirdi.
"Jaǵalaýda "Pioner úii" degen bar, basqa baratyn jer joq. Sol jyly Prezident memleket qyzmetindegi, elge eńbegi sińip júrgen dárejeli adamnyń bárig shaqyrdy. Astananyń keleshegi týraly áńgime qozǵady. Sol jaǵalaýda túk joq. Jylan jalaǵandai… Sol jerde turyp, Nurekeń "anaý bolady, mynaý bolady" dep, bárin jyrdai qylyp aitty. Ishimnen oiladym: "Sóz degen aityla beredi eken ǵoi. Kim isteidi onyń bárin dep? Qashan bolady bul?" dep. Al, qazir qarap otyrsań, qala ósip barady. Statistikaǵa qarap otyrsam, 2 mln-nan asypty Astananyń halqy. Budan buryn, tas úi salǵandy kórdik. Zaýyt salǵandy kórdik. Al, qala salǵandy, onyń ishinde Astana salǵandy kórgenimiz joq! Bul ǵasyrda biz siiaqty astana salǵan memleket joq! Sol jaǵalaýda qazir kúni-túni adam! Jastardyń júrgen jeri – oiyn-kúlki, toi! Bul – jaqsylyqtyń belgisi", – degen edi Myrzatai Joldasbekov.
