شىعىس قازاقستان وبلىسى اكىمدىگىندە وبلىس اكىمى مەن شىعىس قازاقستان وبلىسىنىڭ قالالارى مەن اۋداندارى اكىمدەرى اراسىندا قالالار مەن اۋداندار اكىمدەرىنىڭ قىزمەتىن باعالاۋ رەيتينگى ناتيجەلەرى بويىنشا مەموراندۋمعا قول قويىلدى،– دەپ حابارلايدى Dalanews.kz
بۇل باعالاۋدا KPI كورسەتكىشتەرىنىڭ ورىندالۋىنا باستى نازار اۋدارىلاتىن بولادى.
شقو اكىمى نۇرىمبەت ساقتاعانوۆتىڭ تاپسىرماسى بويىنشا ءىس-شارالاردى ساپالى جۇزەگە اسىرۋ جانە ءاربىر اكىم ءۇشىن ساندىق نەمەسە پايىزدىق ماندەگى نەگىزگى تيىمدىلىك كورسەتكىشتەرىن (KPI، Key Performance Indicators) انىقتاۋ ماقساتىندا وبلىستىق جۇمىس توبى ءوڭىردىڭ قالا جانە اۋداندارىنا ىسساپارمەن ارالادى.
KPI قۇرامىنا 2025 جىلعا ارنالعان قالالار مەن اۋدانداردىڭ ءىرى ءارى ماڭىزدى جوبالارى ەنگىزىلدى. بۇل جوبالار ەكونوميكانىڭ وسۋىنە، جۇمىس ورىندارىنىڭ قۇرىلۋىنا جانە سالىق تۇسىمدەرىنىڭ ارتۋىنا ەلەۋلى ۇلەس قوسادى.
"ەكونوميكا جانە بيۋدجەتتىك جوسپارلاۋ باسقارماسىنا قالالار مەن اۋداندار اكىمدەرىنىڭ قىزمەتىن باعالاۋ رەيتينگىنىڭ قورىتىندىسىن شىعارۋ مەحانيزمىن وزگەرتۋ بويىنشا ۇسىنىس ەنگىزۋ قاجەت. بۇل رەيتينگتە KPI كورسەتكىشتەرىنىڭ ورىندالۋىنا باسىمدىق بەرىلۋى ءتيىس. ءار اكىمگە 2025 جىلعا ارنالعان سالىق تۇسىمدەرىنىڭ ءوسۋىن قامتاماسىز ەتۋ جانە ءتورت ناقتى جوبانى جۇزەگە اسىرۋ بويىنشا كورسەتكىشتەر بەلگىلەنگەن"، – دەدى وبلىس اكىمى نۇرىمبەت ساقتاعانوۆ.
مەموراندۋمعا وبلىس اكىمىمەن قاتار، وسكەمەن، ريددەر، التاي قالالارىنىڭ، سونداي-اق التاي، سامار، ۇلكەن نارىن، مارقاكول، گلۋبوكوە، زايسان، كاتونقاراعاي، كۇرشىم، تارباعاتاي، ۇلان، شەمونايحا اۋداندارىنىڭ اكىمدەرى قول قويدى.
