2026 jyldan bastap úsh ai qatarynan mobildi aýdarymdar arqyly 1 million teńgeden kóp qarajat qabyldaǵan azamattardyń tabysy salyq organdarynyń baqylaýyna iligedi, dep habarlaidy Dalanews.kz.
Qarjy ministrliginiń jańa buiryǵyna deiin salyq organdary jasyryn kásipkerlikti tek aýdarym sany arqyly anyqtaityn: eger azamat ai saiyn úsh ai boiy 100 nemese odan da kóp túrli adamnan aqsha alsa, ol kásipkerlik tabys dep esepteletin.
Endi talaptar qataiady: aýdarym sany ǵana emes, túsken qarajat kólemi de eskeriledi. Úsh ai ishinde mobildi tólemder somasy eń tómengi jalaqynyń 12 eselik mólsherinen asyp ketse, azamattyń tabysy kásipkerlik retinde tirkeledi.
2026 jyly eń tómengi jalaqy 85 myń teńge bolady. Demek, úsh aida 100-den astam aýdarym túsip, jalpy soma 1,02 mln teńgeden assa, azamat salyq tóleýge mindetteledi.
Bul talap dostar men týystardan alynǵan bir rettik aýdarymdarǵa emes, júieli tabys tabatyn adamdarǵa ǵana qatysty bolady.
