2026 جىلدان باستاپ ٷش اي قاتارىنان موبيلدٸ اۋدارىمدار ارقىلى 1 ميلليون تەڭگەدەن كٶپ قاراجات قابىلداعان ازاماتتاردىڭ تابىسى سالىق ورگاندارىنىڭ باقىلاۋىنا ٸلٸگەدٸ, دەپ حابارلايدى Dalanews.kz.
قارجى مينيسترلٸگٸنٸڭ جاڭا بۇيرىعىنا دەيٸن سالىق ورگاندارى جاسىرىن كەسٸپكەرلٸكتٸ تەك اۋدارىم سانى ارقىلى انىقتايتىن: ەگەر ازامات اي سايىن ٷش اي بويى 100 نەمەسە ودان دا كٶپ تٷرلٸ ادامنان اقشا السا, ول كەسٸپكەرلٸك تابىس دەپ ەسەپتەلەتٸن.
ەندٸ تالاپتار قاتايادى: اۋدارىم سانى عانا ەمەس, تٷسكەن قاراجات كٶلەمٸ دە ەسكەرٸلەدٸ. ٷش اي ٸشٸندە موبيلدٸ تٶلەمدەر سوماسى ەڭ تٶمەنگٸ جالاقىنىڭ 12 ەسەلٸك مٶلشەرٸنەن اسىپ كەتسە, ازاماتتىڭ تابىسى كەسٸپكەرلٸك رەتٸندە تٸركەلەدٸ.
2026 جىلى ەڭ تٶمەنگٸ جالاقى 85 مىڭ تەڭگە بولادى. دەمەك, ٷش ايدا 100-دەن استام اۋدارىم تٷسٸپ, جالپى سوما 1,02 ملن تەڭگەدەن اسسا, ازامات سالىق تٶلەۋگە مٸندەتتەلەدٸ.
بۇل تالاپ دوستار مەن تۋىستاردان الىنعان بٸر رەتتٸك اۋدارىمدارعا ەمەس, جٷيەلٸ تابىس تاباتىن ادامدارعا عانا قاتىستى بولادى.
