Aldymen qor qarjylandyrýymen kúrdeli jóndeýden ótken «Aqńur» balabaqshasynda bolyp, balǵyndarmen tildesti. 65 jyl buryn kirpishi qalanǵan ǵımarat apat kezinde zardap shekken bolatyn. Budan keıin batyrlar Aleıasyn jaıaý aralap ótip, Arys qalasynyń aqsaqaldarymen kezdesti. Jergilikti qarıalar óz rızashylyqtaryn bildirip, aq batalaryn berdi.
– Qurylys sapasyn tutynýshy biler. Bastysy – halyq rızashylyǵy. Osynyń bári tirliktiń kózin taýyp, basqaryp otyrǵan basshylaryńyzdyń arqasynda, – dedi «Samuryq-Qazyna» UÁQ» AQ Basqarma tóraǵasy Ahmetjan Esimov Arys aqsaqaldarymen kezdesý kezinde.
Sondaı-aq, Ómirzaq Shókeev pen Ahmetjan Esimov tolyqtaı jańartylǵan temirjol vokzalynda bolyp, kúrdeli jóndeýin tekserdi. Arystyqtar aımaq basshysy Ómirzaq Shókeev pen «Samuryq-Qazyna» UÁQ» AQ Basqarma tóraǵasyn 1200 oryndyq jańa stadıonda ótetin dop dodasynda qarsy aldy. Ómirzaq Shókeev pen Ahmetjan Esimov jas sportshylarmen birge fýtbol alańynda dop teýip, oıyndy ashyp berdi.
