الدىمەن قور قارجىلاندىرۋىمەن كۇردەلى جوندەۋدەن وتكەن «اقڭۇر» بالاباقشاسىندا بولىپ، بالعىندارمەن تىلدەستى. 65 جىل بۇرىن كىرپىشى قالانعان عيمارات اپات كەزىندە زارداپ شەككەن بولاتىن. بۇدان كەيىن باتىرلار اللەياسىن جاياۋ ارالاپ ءوتىپ، ارىس قالاسىنىڭ اقساقالدارىمەن كەزدەستى. جەرگىلىكتى قاريالار ءوز ريزاشىلىقتارىن ءبىلدىرىپ، اق باتالارىن بەردى.
– قۇرىلىس ساپاسىن تۇتىنۋشى بىلەر. باستىسى – حالىق ريزاشىلىعى. وسىنىڭ ءبارى تىرلىكتىڭ كوزىن تاۋىپ، باسقارىپ وتىرعان باسشىلارىڭىزدىڭ ارقاسىندا، – دەدى «سامۇرىق-قازىنا» ءۇاق» اق باسقارما ءتوراعاسى احمەتجان ەسىموۆ ارىس اقساقالدارىمەن كەزدەسۋ كەزىندە.
سونداي-اق، ءومىرزاق شوكەيەۆ پەن احمەتجان ەسىموۆ تولىقتاي جاڭارتىلعان تەمىرجول ۆوكزالىندا بولىپ، كۇردەلى جوندەۋىن تەكسەردى. ارىستىقتار ايماق باسشىسى ءومىرزاق شوكەيەۆ پەن «سامۇرىق-قازىنا» ءۇاق» اق باسقارما ءتوراعاسىن 1200 ورىندىق جاڭا ستاديوندا وتەتىن دوپ دوداسىندا قارسى الدى. ءومىرزاق شوكەيەۆ پەن احمەتجان ەسىموۆ جاس سپورتشىلارمەن بىرگە فۋتبول الاڭىندا دوپ تەۋىپ، ويىندى اشىپ بەردى.
