Eń aldymen aimaq basshysyna qala əkimi Nurlan Saýranbaev «Eski qalany jańǵyrtý» jobasy aiasynda Qoshqar ata ózeniniń jaǵalaýynda boi kóteretin «Qoshqar ata» turǵyn úi kesheniniń maketin tanystyrdy. Jańadan salynatyn turǵyn úi kesheniniń qurylysy úsh kezeńnen júrgiziledi. Joba tolyǵymen júzege assa, 208 myń sharshy metrdi quraityn, 3976 páterli 61 kóp qabatty turǵyn úi el igiligine tapsyrylatyn bolady.
Sondai-aq, oblys ákiminiń nazaryna «Qarasý» jáne «Qoshqar-ata» ózenderiniń boiynda júrgiziletin abattandyrý jumystarynyń jospary usynyldy. Joba boiynsha onda aldymen ózen jaǵalaýynyń eninen 10 metr, uzyndyǵy 1200 metr jer halyq qydyrystaityn demalys ornyna ainalady. Búginde atalǵan joba aiasynda Ordabasy alańynan Ózbek kóshesine deiingi ózen boiymen júrip ótetin 300 metr aiaq jol kógaldandyrylyp, abattandyrý jumystary júrgizildi.
Aldyn ala daiyndyq jumystary kezinde mamandar ózen boiyn zańsyz iemdenip alǵan 96 jer ýchaskesin anyqtaǵan. Búginde halyqqa túsindirý jumystary júrgizilip, qajetti jerler memleket qajettiligine qaitarylýda.
Jobalarmen tanysyp shyqqan aimaq basshysy atqarylyp jatqan jumystarǵa halyqty túsinistikpen qaraýǵa shaqyrdy.
«Qoshqar ata Shymkenttiń tarihi ortalyǵy sanalatyn keremet jer. Jaratylystyń mundai ǵajap mekenin búkil halyqtyq igilikke ainaldyrýdy basty maqsat etemiz.Ózenniń jaǵalaýyn abattandyrýdy tek qana ekologiialyq tazalyq dep túsinbeý kerek. Munda týrizm indýstriiasy degen úlken másele jatyr. Qonaqqa kelgen sheteldikterdiń tamashalaýyna sáýletti ǵimarattar azdyq etedi. Olar negizinen tarihi-mádeni jerlerge kóbirek qyzyǵýshylyq tanytady. Osy rette Qoshqar ata ózeniniń úlken mánge ie ekenin túsinýimiz kerek. Iaǵni, osy arqyly týristerdi kóptep tartýdy kózdep otyrmyz», – dedi Janseiit Qanseiituly.
Aita keteiik, Qoshqar ata erekshe mádeni-tarihi mańyzǵa ie, kieli meken dep tanylady. Sebebi, ózen jaǵalaýynda Qoshqar ata kesenesi ornalasqan. 2010 jyly jergilikti mańyzy bar erekshe qorǵalatyn aýmaq mártebesin aldy. Ózenniń bastaýynan Ordabasy alańyna deiingi aýmaqqa shamamen 1,5 shaqyrym jerde qalpyna keltirý jumystary júrgizilip, abattandyryldy. Al jalpy Qoshqar ata ózeniniń uzyndyǵy 78 shaqyrymdy quraidy.
Budan bólek, oblys ákimine D.Qonaev dańǵyly jalǵasynyń qurylysy jobasy usynyldy. Eki kezeń boiynsha júrgiziletin jol qurylysynyń I kezeńinde Túrkistan kóshesinen Áiteke bi kóshesine deiin, uzyndyǵy 580 metr, eni 42 metrdi quraityn jol qurylysy júrgizilse, II kezeńde Áiteke bi kóshesinen Volodarskii kóshesine deiin, uzyndyǵy 480 metr, eni – 42 metr bolatyn qurylys jumystary atqarylmaq.
Osy kúni J.Túimebaev bastaǵan jumysshy top pen birqatar jýrnalister Qoshqar ata ózeniniń boiymen «Shymkent Plaza» oiyn-saýyq ortalyǵyna deiingi birneshe shaqyrym jerdi jaiaý aralap, ózen boiyndaǵy jáne «Eski qalashyq» aýmaǵyndaǵy júrgizilip jatqan jumystardy kórdi. Sonymen qatar, «Arbat» pen №11 shaǵyn aýdanyndaǵy kanaldy abattandyrý boiynsha jasalǵan joba tanystyryldy.
OQO ákiminiń baspasóz qyzmeti
