Shymkent qalasynyń Turǵyn úı basqarmasynyń basshysy Nurbol Júnisbekov ustaldy degen aqparat tarady, dep habarlaıdy Dalanews.kz.

"Kýrsıv" málimetinshe, 40 jastaǵy sheneýnik qyzmettik ókilettigin asyra paıdalandy degen kúdikke ilingen. Qylmystyq iske qatysty ózge málimetter jarıa etilmeı otyr.

Nurbol Júnisbekov Shymkenttiń Turǵyn úı basqarmasynyń basshysy qyzmetine 2025 jyly naýryzda taǵaıyndalǵan.

Sheneýniktiń Astanada ustalǵany týraly aqparatty jýrnalıs Mıhaıl Kozachkov 24 tamyzda Telegram-arnasynda habarlaǵan bolatyn. Al Shymkent ákimdiginde onyń eńbek demalysy kezinde ustalǵany aıtyldy.