Qyzylordada ınvestorǵa zańsyz aıyppul salǵan sheneýnik jaýapqa tartyldy, dep habarlaıdy Dalanews.kz.
Qyzylorda oblysynyń Tabıǵat qorǵaý prokýratýrasy ınvestordyń quqyǵy buzylǵanyn anyqtady. Tekseris Investorlardyń quqyǵyn qorǵaý komıtetimen birlesip júrgizilgen.
Prokýratýra málimetinshe, oblystyq Ekologıa departamentiniń qyzmetkerleri ınvestordy zańsyz ákimshilik jaýapkershilikke tartqan. Bul jaıt ınvestorlardyń quqyǵyn qorǵaý salasyna júrgizilgen taldaý barysynda belgili bolǵan.
Investor Ákimshilik quqyqbuzýshylyq týraly kodekstiń 139-baby boıynsha prokýrordyń mindetti kelisiminsiz jaýapqa tartylǵan. Al zań boıynsha ınvestorlarǵa qatysty kez kelgen ákimshilik shara prokýratýramen kelisilip qabyldanýǵa tıis.
Prokýratýranyń narazylyǵynan keıin zańsyz salynǵan aıyppuldyń kúshi joıyldy.
Sonymen qatar, kásipkerlik qyzmetke zańsyz aralasqany úshin Ekologıa departamenti bóliminiń burynǵy basshysyna qatysty ákimshilik is qozǵaldy. Sot sheshimimen oǵan 100 aılyq eseptik kórsetkish mólsherinde aıyppul salyndy.
