Jaqynda Shymkentte «Transtelekom» AQ prezidenti Dáýren Pshembaev pen Ońtústik Qazaqstan oblysynyń ákimi Beibit Atamqulov jumys barysynda kezdesip, mańyzdy máselelerdi talqylady. Keńeske Shymkent qalasynyń ákimi Ǵabidolla Ábdiráhimov, Ońtústik Qazaqstan oblysy ákimdiginiń jáne «Transtelekom» AQ ýákilderi qatysty.
Kezdesý barysynda qatysýshylar «smart» tehnologiialardyń damý múmkindikterin, sondai-aq aimaqta bailanys kanaldaryn jańartýdy talqylady. Beibit Atamqulov óziniń alǵy sózinde Shymkentte smart-tehnologiialardy engizý boiynsha jumystar baiaý júrgizilip jatqanyn alǵa tartty. Buǵan qosa, ol aimaqqa aqparattyq júieler men telekommýnikatsiialyq qyzmetterdi qurý boiynsha kópjyldyq tájiribesi bar iri bailanys operatoryn tartý qajet ekenin túsindirdi.
Al «Transtelekom» AQ prezidenti Dáýren Pshembaev jaqynda kompaniiaǵa 16 jyl tolǵanyn jáne búgingi kúni kompaniianyń úlken qalalardy da, sonymen qosa eń shalǵai aimaqtardy da bailanystyratyn telefon bailanysynyń iri tarmaqtalǵan jelisi bar ekenin atap ótti. «Qazir «Transtelekom» kompaniiasy elimiz boiynsha ǵalamtor jelisine qoljetimdilik arttyrý jáne iri innovatsiialyq AT-jobalardy iske asyryp jatyr», – dedi.
Kezdesý qorytyndysynda taraptar Shymkent qalasynda «Smartmektep», «Smartemhana», «Smartkóshe jaryǵy» syndy birqatar pilottyq smart-jobalardy iske qosý týraly kelisimge keldi. Sonymen qatar aldaǵy ýaqytta Ońtústik Qazaqstan oblysynda smart-bastamalardy memlekettik jáne jekemenshik áriptestik modeli boiynsha iske asyrý da qarastyrylǵanyn aita ketýimiz kerek.
«QmD» aqparat
