شىمكەنتتە سمارت جوبالار ىسكە اسا باستايدى

Dalanews 20 قار. 2015 20:23 92

جاقىندا شىمكەنتتە «ترانستەلەكوم» اق پرەزيدەنتى داۋرەن پشەمبايەۆ پەن وڭتۇستىك قازاقستان وبلىسىنىڭ اكىمى بەيبىت اتامقۇلوۆ جۇمىس بارىسىندا كەزدەسىپ، ماڭىزدى ماسەلەلەردى تالقىلادى. كەڭەسكە  شىمكەنت قالاسىنىڭ اكىمى عابيدوللا ءابدىراحيموۆ، وڭتۇستىك قازاقستان وبلىسى اكىمدىگىنىڭ جانە «ترانستەلەكوم» اق ۋاكىلدەرى قاتىستى.


كەزدەسۋ بارىسىندا قاتىسۋشىلار «سمارت» تەحنولوگيالاردىڭ دامۋ مۇمكىندىكتەرىن، سونداي-اق ايماقتا بايلانىس كانالدارىن جاڭارتۋدى تالقىلادى. بەيبىت اتامقۇلوۆ ءوزىنىڭ العى سوزىندە شىمكەنتتە سمارت-تەحنولوگيالاردى ەنگىزۋ بويىنشا جۇمىستار باياۋ جۇرگىزىلىپ جاتقانىن العا تارتتى. بۇعان قوسا، ول ايماققا اقپاراتتىق جۇيەلەر مەن تەلەكوممۋنيكاسيالىق قىزمەتتەردى قۇرۋ بويىنشا كوپجىلدىق تاجىريبەسى بار ءىرى بايلانىس وپەراتورىن تارتۋ قاجەت ەكەنىن ءتۇسىندىردى.


ال «ترانستەلەكوم» اق پرەزيدەنتى داۋرەن پشەمبايەۆ جاقىندا كومپانياعا 16 جىل تولعانىن جانە بۇگىنگى كۇنى كومپانيانىڭ ۇلكەن قالالاردى دا، سونىمەن قوسا ەڭ شالعاي ايماقتاردى دا بايلانىستىراتىن تەلەفون بايلانىسىنىڭ ءىرى تارماقتالعان جەلىسى بار ەكەنىن اتاپ ءوتتى. «ءقازىر «ترانستەلەكوم» كومپانياسى ەلىمىز بويىنشا عالامتور جەلىسىنە قولجەتىمدىلىك ارتتىرۋ جانە ءىرى يننوۆاسيالىق ات-جوبالاردى ىسكە اسىرىپ جاتىر»، – دەدى.


كەزدەسۋ قورىتىندىسىندا تاراپتار شىمكەنت قالاسىندا «Smartمەكتەپ»، «Smartەمحانا»، «Smartكوشە جارىعى» سىندى ءبىرقاتار پيلوتتىق سمارت-جوبالاردى ىسكە قوسۋ تۋرالى كەلىسىمگە كەلدى. سونىمەن قاتار الداعى ۋاقىتتا وڭتۇستىك قازاقستان وبلىسىندا سمارت-باستامالاردى مەملەكەتتىك جانە جەكەمەنشىك ارىپتەستىك مودەلى بويىنشا ىسكە اسىرۋ دا قاراستىرىلعانىن ايتا كەتۋىمىز كەرەك.


«قمد» اقپارات




ۇسىنىلعان
سوڭعى جاڭالىقتار