Shymkentte Respýblika kúni qarsańynda memlekettik baǵdarlama aiasynda 304 otbasy qonys toiyn toilady. Saltanatty kilt tapsyrý rásimine qala ákimi Ǵabit Syzdyqbekov qatysyp, turǵyndardyń qýanyshyn bólisip, baspanaly bolǵandardy quttyqtady, - dep habarlaidy Dalanews.kz
Bozaryq shaǵynaýdanynda ornalasqan baspanalar Ulttyq mereke qarsańynda paidalanýǵa berilip otyr. Bul baspanalardy turǵyn úi kezegindegi azamattar Otbasy bank arqyly "2-10-20", "5-10-20" baǵyttary boiynsha nesielik negizde rásimdegen.
Búginde Qazaqstan boiynsha Memleket basshysynyń tapsyrmasymen júzege asyrylyp jatqan memlekettik baǵdarlamalar halqymyzdyń jaily ómir súrýine baǵyttalǵan. Shymkenttegi úilerdi qonystanýshylarǵa qala ákimdigi salyp berdi. Jańa páterler taza árleýde, 1 sharshy metrine 221 330 teńgeden satylǵan.
Baǵdarlama qatysýshylardy qala ákimi Ǵabit Syzdyqbekovpen qatar "Otbasy bank" AQ Shymkent qalalyq filialynyń direktory Dáýren Saýdabaev ta quttyqtady.
"Árqaisymyz úshin jańa, eń bastysy, ózimizdiń jeke pátirimizge kóshý - ómirdegi asa mańyzdy ári qýanyshty oqiǵa. Páterlerińizde balalardyń kúlkisi jii estilip, ishi jylýlyq pen jailylyqqa toly bolýyna tilektespin. Jyl basynan beri Otbasy bank "2-10-20" baǵdarlamasy boiynsha 2 500 jýyq, "5-10-20" baǵdarlamasy boiynsha 3 247 qazaqstandyq otbasyǵa jeke baspana alýǵa kómektesti" - dedi «Otbasy bank» AQ Shymkent qalalyq filialynyń direktory Dáýren Saýdabaev.
Turǵyn úi-kommýnaldyq infraqurylymdy damytýdyń 2023-2029 jyldarǵa qabyldanǵan tujyrymdamasyna sáikes, syiaqy mólsherlemesi jyldyq 2%-dan aspaityn áleýmettik kredittik turǵyn úi baǵdarlamasy tabysy tómen otbasylarǵa kredit berýge arnalǵan. Bul sanattaǵy azamattar úshin bastapqy naryqtan turǵyn úi satyp alýǵa (jergilikti atqarýshy organdardyń paidalanýǵa berilgen áleýmettik kredittik turǵyn úii) jyldyq 2% paiyzdyq mólsherleme boiynsha (JTSM 2%-dan bastap 2,1% deiin), 10% alǵashqy jarna engizgen kezde (turǵyn úi sertifikattaryn paidalanýǵa bolady) kredit berýdiń jeńildikti talaptary qarastyrylady. Zaem berý merzimi – 20 jylǵa deiin.
Al syiaqy mólsherlemesi jyldyq 5%-dan aspaityn áleýmettik kredittik turǵyn úi baǵdarlamasyna ákimdikte úi kezeginde turǵan, Otbasy banktegi jinaq shotynda qaryz somasynyń 10%-y mólsherinde bastapqy jarnasy bar azamattar qatysa alady. Bul baǵdarlama boiynsha turǵyn úidi tek bastapqy naryqtan satyp alýǵa bolady (jergilikti atqarýshy organdardyń paidalanýǵa qabyldanǵan áleýmettik kredittik turǵyn úii). Jyldyq syiaqy mólsherlemesi 5% (JTSM 5,2%-dan bastap 5,8% deiin), zaem berý merzimi – 20 jylǵa deiin.
"Jyl basynan beri Shymkent qalasynda jyljymaityn múlik alý maqsatymen taǵy 2 7 000-den astam óńir azamaty jańa depozit ashty. Bul -elimiz boiynsha aimaqtardaǵy eń joǵary kórsetkish. Iaǵni Shymkent halqy qarajat únemdep, ony turǵyn úi jaǵdailaryn jaqsartý jolynda jinaýdan joǵary belsendilik tanytyp otyr. Jalpy óńirde ústimizdegi jyly 3 633 otbasy "Otbasy bankinen" zaem alyp, qonys toiyn toilaǵan", - dep jazylǵan Otbasy bankiniń baspasóz qyzmeti habarlamasynda.
Shymkentte baspanaly bolǵandar arasynda da erekshe qajettilikteri bar balalardy tárbielep otyrǵan otbasylar, tolyq emes jáne kópbalaly otbasylar, múmkindigi shekteýli azamattar, jetim jáne ata-anasynyń qamqorlyǵynsyz qalǵan balalar, biýdjettik uiymdardyń qyzmetkerleri bar.
Shymkent qalasy ákimdigi málimetinshe, kredittik turǵyn úilerdiń qoljetimdiligin arttyrý jáne tabysy az azamattardy yntalandyrý maqsatynda jergilikti biýdjet esebinen 311 otbasy qaitarymsyz negizdegi áleýmettik kómek retinde turǵyn úi sertifikaty arqyly nesielik baspanaǵa qol jetkizgen, jyl sońyna deiin taǵy 4 myńnan astam páter berý josparlanyp otyr.
